سوڈان میں سیلاب ،ہلاکتوں کی تعداد 102 ہو گئی

سوڈان میں سیلاب  کے نتیجے میں طغیانی آنے سے اب تک 102 افراد ہلاک ہو چکے ہیں۔

 شہری دفاعی ادارہ کے مطابق،دارالحکومت خرطوم  کے شمال میں واقع ایک دیہات  پورا پانی میں ڈوب چکا ہے جس سے لوگوں  کے گھر بار تباہ ہو گئے ہیں۔

 وزارت داخلہ کا کہنا ہے کہ 18 صوبوں میں سے 16 میں شدید بارشوں کی وجہ سے 70 ہزار سے زائد مکانات کو نقصان پہنچا ہے  اور  دریائے نیل کی سطح میں بھی 18 میٹر تک بلندی ریکارڈ کی گئی ہے۔

 یاد رہے کہ ملکی  دفاعی و سلامتی کونسل نے  گزشتہ دنوں اس آفت کے باعث  3 ماہ کے  لیے ہنگامی حالت کا اعلان کیا تھا۔