اگر چین نے قصداً وباء پھیلائی ہے تو اسے نتائج کا سامنا کرنا چاہئیے: ٹرمپ

امریکہ کے صدر ڈونلڈ ٹرمپ نے کہا ہے کہ اگر چین نے قصداً کورونا وائرس کی وباء پھیلائی ہے تو اسے نتائج کا سامنا کرنا چاہیے۔

کووِڈ۔19 کے خلاف جدوجہد ڈیوٹی فورس  کی وائٹ ہاوس میں منعقدہ پریس کانفرنس سے خطاب میں ٹرمپ نے کہا ہے کہ امریکہ میں وباء کے نقطہ عروج پر پہنچنے کے بارے میں مثبت اشارے مل رہے ہیں۔

امریکہ میں اموات کی شرح کا آبادی کے اعتبار سے مغربی یورپی ممالک کے ساتھ  تقابل کرتے ہوئے صدر ٹرمپ نے کہا ہے کہ امریکہ میں اموات کی شرح جرمنی خارج دیگر مغربی یورپی ممالک سے بہت حد تک کم ہے۔ اسپین میں اموات کی تعداد امریکہ سے تقریباً 4 گنا زیادہ ہے۔

ٹرمپ نے دعوی کیا ہے کہ چین میں اموات کی تعداد حقیقت کی عکاس نہیں ہے۔ چین پہلے نمبر پر ہے اور وہاں اموات کی تعداد ہم سے کہیں زیادہ ہے۔

وباء کے پھیلاو میں چین کے کردار کے بارے میں بات کرتے ہوئے انہوں نے کہا ہے کہ اگر تو غلطی ہے تو ٹھیک لیکن اگر قصداً ایسا کیا گیا ہے تو اس کے ذمہ داروں کو نتائج کا سامنا کرنا چاہیے۔

انہوں نے کہا ہے کہ سوموار کے دن، سماجی فاصلے کو ملحوظ رکھتے ہوئے، ٹیکساس اور ویرمونٹ  میں بعض کاروباری مراکز کو کھول دیا جائے گا۔

مونٹانا میں وباء کی وجہ سے لاگو پابندیوں کو جمعہ کے دن سے ہٹانے کا آغاز کیا جائے گا اور اوہائیو، نارتھ ڈاکوٹا اور ایڈاہو میں یکم مئی سے کاروباری مراکز کو درجہ بدرجہ کھولنا شروع کیا جائے گا۔

صدر ڈونلڈ ٹرمپ نے کہا ہے کہ امریکہ نے ہزاروں وینٹیلیٹر تیار کرنا اور ذخیرہ کرنا شروع کر دئیے ہیں تاہم ہم میکسیکو کی کہ جس کے پاس وینٹیلیٹروں کی تعداد ناکافی ہے مدد کریں گے۔