امریکہ ادلیب میں ترکی سے تعاون کے تمام تر متبادلوں پر غور کر رہا ہے

امریکی وزیر ِ خارجہ مائیک پومپیو   کا کہنا ہے کہ    شامی علاقے ادلیب میں اپنا دفاعی حق محفوظ ہونے والے ترکی سے تعاون کے لیے تمام تر  متبادل کا جائزہ لیا گیا ہے۔

دفترِ خارجہ کے دفتر میں پریس کانفرس میں اخباری نمائندوں کے سوالات کا جواب  دینے والے پومپیو نے  ادلیب کی تازہ صورتحال  کے حوالے سے اپنے جائزے پیش کیے۔

پومپیو نے روس، اسد انتظامیہ اور ایران کے  حملوں سے ادلیب میں لاکھوں  شہریوں کو نقصان پہنچنے پر زور دیتے ہوئے روس  سے سال 2018 میں ترکی کے ساتھ طے پانے والے سوچی معاہدے پر کا ربند رہنے اور فائر بندی قائم کرنے کی اپیل کی ہے۔

امریکی وزیر نے  ترکی کے امریکہ سے بعض مطالبات ہونے کی وضاحت کرتے ہوئے کہا کہ"حکومتِ ترکی  نے ہم سے بعض چیزوں کا مطالبہ کیا تھا، جن  کا ہم اسوقت بغور جائزہ لے رہے ہیں۔  پینٹاگون کے ہمراہ خطے میں تشدد میں گراوٹ اور موجودہ عظیم انسانی بحران کے خاتمے کے لیے ہم بہترین راہ کی تلاش  پر کام کر رہے ہیں۔ علاوہ ازیں   ، ہم سمجھتے ہیں کہ نیٹو میں ہمارے اتحادی ترکی   کو  اسد انتظامیہ، روس اور ایران کی جانب سے شام  میں پیدا ہونے والے خطرات کے پیشِ نظر  اپنا دفاع کرنے کا حق حاصل ہے۔