ابوبکر شیخو کا پتہ بتاو 70 لاکھ ڈالرز کماو
امریکی وزارت انصاف کے مطابق ، جو بھی اس دہشت گرد کی گرفتاری میں مدد دے گا اسے امریکی وزارت خارجہ یہ انعام دے گی جس کےلیے واٹس ایپ ایڈریس کی تفصیلات بھی فراہم کی گئی ہیں۔
امریکہ نے نائیجیریا اور ہمسایہ ممالک میں تشدد کا بازار گرم کرنے والے دہشت گرد تنظیم بوکو حرام کے سرغنہ ابو بکر شیخو کا پتہ دینے والے کےلیے 70 لاکھ ڈالرز کا انعام رکھا ہے۔
امریکی وزارت انصاف کے مطابق ، جو بھی اس دہشت گرد کی گرفتاری میں مدد دے گا اسے امریکی وزارت خارجہ یہ انعام دے گی جس کےلیے واٹس ایپ ایڈریس کی تفصیلات بھی فراہم کی گئی ہیں۔
ابو بکر شیخو تنظیم کے سابق سربراہ محمد یوسف کی ہلاکت کے بعد سن 2010 میں لیڈر بنا تھا جس پر 2014 میں سینکڑوں لڑکیوں کے اغوا٫ اور متعددعوامی و عسکری مقامات پر تخریب کاری کرنے کا الزام ہے ۔
بو کو حرام تنظیم سن 2000 میں قائم ہوئی تھی جس کی شر پسندانہ سرگرمیوں کا دائرہ سن 2009 میں پھیلتے ہوئے ہمسایہ ممالک تک پہنچ گیا تھا جس میں اب تک تقریباً 20 ہزار سے زائد افراد مارے جا چکے ہیں۔