جاپانی دارالحکومت ٹوکیو شدید طوفان کی زد میں
طوفان و آندھی سے وسیع پیمانے پر بجلی کی ترسیل منقطع ہوئی ہے ، ٹرینوں اور جہازوں کے سفر متاثر ہوئے ہیں
1265942
جاپان کے دارالحکومت ٹوکیو میں آنے والے طوفان سے ابتدائی معلومات کے مطابق ایک شخص ہلاک جبکہ بیسیوں زخمی ہو گئے۔
حکومتی ترجمان یوشی ہیدے سوگا کا کہنا ہے کہ دارالحکومت کے شمالی مضافات سےٹکرانے کے بعد شہری مرکز کی جانب پیش قدمی کرنے والے فاکسائی طوفان کی زد میں آتے ہوئے ایک 50 سالہ عورت ہلاک ہو گئی۔
سوگا کا کہنا تھا کہ طوفان و آندھی سے وسیع پیمانے پر بجلی کی ترسیل منقطع ہوئی ہے ، ٹرینوں اور جہازوں کے سفر متاثر ہوئے ہیں۔
کیودو خبر ایجنسی نے مقامی حکام کے حوالے سے اپنی خبر میں واضح کیا ہے کہ چیبا، تاتے یاما، کانا گاوا، عباراکی اور شیزوکا میں کم ازکم 40 افراد زخمی ہوئے ہیں۔
جاپانی موسمیات ایجنسی نے اطلاع دی ہے کہ فاکسائی طوفان سے آندھی کی رفتار 143 کلو میٹر فی گھنٹہ تک جا پہنچی ہے۔
