لیبیا کی صورتحال سلامتی کونسل نے ہنگامی اجلاس طلب کرلیا

لیبیا میں ایک مہاجر کیمپ پر ہونے والے فضائی حملے کے بعد اقوام متحدہ کی سلامتی کونسل نے  ایک ہنگامی  اجلاس منعقدکیا  ہے۔

یاد رہے کہ  گزشتہ روز اس حملے میں  44 افراد ہلاک ہو گئے تھے۔

15 رکنی سلامتی کونسل اس حوالے سے ایک مذمتی قرارداد منظور کرنا چاہتی ہے لیکن اس پر ابھی تک اتفاق رائے نہیں ہو سکا ہے ۔

 دو گھنٹے کے اجلاس کے بعد برطانیہ نے کونسل میں قرارداد کا مسودہ پیش کیا جس میں حملے کی مذمت کرتے ہوئے  جنگ بندی کا مطالبہ کیا گیا ہے۔

سفارتی ذرائع کا کہنا ہے کہ امریکہ  نے اس مسودے کو مسترد کر دیا ہے لیکن  اس کی وجہ نہیں بتائی گئی ہے۔

واضح رہے کہ  اقوام متحدہ اور یورپی یونین پہلے ہی اس حملے کی تحقیقات کا مطالبہ کر چکے ہیں۔