گوائدو کی اپیل پر امریکہ ونیزویلا کو امدادی سامان روانہ کرے گا

متحدہ امریکہ نے اعلان کیا ہے کہ  یہ ونیزویلا کے عبوری صدر  کے طور پر تسلیم کردہ حزب  اختلاف کے لیڈر ہوان گوائدو  کے مطالبے کے جواب میں اس ملک کو انسانی امداد روانہ کرے گا۔

وائٹ ہاؤس کے قومی سلامتی  کے مشیر جان بولٹن  نے ٹویٹر  اکاؤنٹ پر ونیزویلا کے بارے میں ایک اعلان جاری کیا۔

بولٹن  نے کہا ہے کہ "امریکہ نے عبوری صدر ہوان گوائدو  کی درخواست  کے مطابق  اور ان کے دیگر حکام سے بھی صلاح مشورہ کرتے ہوئے  ونیزویلا کے عوام کے لیے ادوایات، طبی ساز وسامان اور خوردنی اشیاء    کو اس ملک کو بھیجنے کا فیصلہ کیا ہے۔ اب مادورو کے راستے سے ہٹنے کا وقت آ گیا ہے۔

دوسری جانب  امریکی وزیر خارجہ مائیک پومپیو  نے بھی بولٹن کے 'انسانی امداد' پر مبنی بیانات کی حمایت کی ہے۔

بولٹن اور پومپیو کے ونیزویلا کو انسانی امداد کے حوالے سے بیانات  کے حوالے سے یہ تبصرے کیے جا رہے ہیں کہ  یہ قدم امریکہ کی اس ملک میں مداخلت  کو سہل بنانے  والا ایک اقدام ثابت ہو گا۔

یاد رہے کہ امریکہ انتظامیہ نےا س قبل کے ایک اعلان میں اطلاع دی تھی کہ ونیزویلا کے عوام کی مدد کے لیے اس نے 20 ملین ڈالر کی رقم مختص کی ہے اور اب یہ اس رقم کو بھیجنے کے لیے تیار ہے۔

ونیزویلا کے صدر نکولاس مادورو نے  امریکہ کی ان کے ملک کو مالی امداد فراہم کرنے کی کوششوں کو "حاکمیت کے حق میں مداخلت "  ہونے پر بیان کرتے ہوئے  اس عمل کی مخالفت کی تھی۔