وینزویلا نہ مارشل لاء چاہتا ہے نہ ہی مداخلت، وینزویلا امن چاہتا ہے: نکولس مادورو

وینزویلا کے صدر نکولس مادورو نے عوام سے ملک میں مارشل لاء کے خطرے کے مقابل چوکّنا اور تیار رہنے کی اپیل کی ہے۔

دارالحکومت کارکاس میں کل منعقدہ اجلاس کے بعد جاری کردہ بیان میں   مادورو نے کہا ہے کہ ہم نے امریکہ کے ساتھ تمام سفارتی تعلقات ختم کر دئیے ہیں اور امریکی سفارت کو ویزویلا سے نکلنے کے لئے 72 گھنٹے کی مہلت دی ہے۔

مادورو نے کہاکہ میں وینزویلا کے بہادر اور جنگجو عوام سے اپیل کرتا ہوں کہ وہ ایک طرف تو اپنے کاموں اور تعلیم کو جاری رکھیں اور دوسری طرف ملکی استحکام  کے دفاع کے لئے سڑکوں پر چوکّنی تیار حالت میں موجود رہیں۔

انہوں نے کہا کہ وینزویلا نہ تو مارشل لاء چاہتا ہے اور نہ ہی مداخلت وینزویلا صرف امن چاہتا ہے۔

دارالحکومت کارکاس میں آج منعقدہ جلوس میں وینزویلا اتحادی سوشلسٹ پارٹی کے بانی ا ور نائب چئیر مین   ڈیوسڈاڈو کابیلو  نے بھی وینزویلا کے عوام سے ہر شام صدارتی محل میرافلوریس کے پاس جمع ہونے کی اپیل کی ہے۔