سعودی شہری رہف القنون مہاجر کی حیثیت سے کینیڈا پہنچ گئی
کینیڈا کی وزیر خارجہ کرسٹیا فری لینڈ نے 18 سالہ رہف محمد القنون کا استقبال کیا اور " نہایت دلیر نئی کینیڈین شہری رہف القونون " کے الفاظ کے ساتھ اس کا تعارف کروایا
تھائی لینڈ کے دارالحکومت بنکاک میں ائیرپورٹ پر نظر بند نوجوان سعودی شہری اقوام متحدہ کے مہاجرین ہائی کمشنر دفتر کی زیر حمایت عارضی طور پر سعودی عرب میں داخل ہونے کے بعد کینیڈا روانہ ہو گئی ہے۔
ٹورونٹو ائیر پورٹ پر کینیڈا کی وزیر خارجہ کرسٹیا فری لینڈ نے 18 سالہ رہف محمد القنون کا استقبال کیا اور " نہایت دلیر نئی کینیڈین شہری رہف القونون " کے الفاظ کے ساتھ اس کا تعارف کروایا۔
القنون کے بازو میں بازو ڈالے فری لینڈ نے کہا کہ اس نے بہت مشکلات کا سامنا کیا ہے اور اب وہ اپنے نئے گھر میں جائے گی۔
طویل سفر کی وجہ سے نڈھال القنون نے اخباری نمائندوں کے لئے کوئی بیان جاری نہیں کیا۔
واضح رہے کہ القنون کنبے کے تشدد سے فرار ہو کر براستہ بنکاک آسٹریلیا جا رہی تھی کہ بنکاک ائیر پورٹ پر اسےنظر بند کر دیا گیا اور بعد ازاں اقوام متحدہ کی طرف سے انہیں مہاجر کا اسٹیٹس دیا گیا ہے۔
مہاجر کا اسٹیٹس ملنے کے بعد سوموار کے دن ائیر پورٹ کے اس کمرے سے نکلی کہ جہاں اس نے خود کو بند کر رکھا تھا ۔وہ جمعہ کے روز جنوبی کوریا کے دارالحکومت سیول جانے والے طیارے کے ذریعے تھائی لینڈ سے روانہ ہوئی تھی۔