چین میں دنیا کے طویل ترین سمندری پل کا افتتاح

چین میں سمندر کی سطح پر بنایا گیا دنیا کا سب سے لمباپُل ٹریفک کے لئے کھول دیا گیاہے جس پر سفر کا آغاز کرنیوالی پہلی ڈبل ڈیکر بس کی دلکش ویڈیو بھی جاری کر دی گئی ہے۔

آٹھ سال کے طویل عرصے میں مکمل ہونیوالے اس جدید انجینئرنگ کے اس شاہکار کی تعمیر سے ہانگ کانگ اور مکاؤ شہرزوہائی سے مل جائینگے اوریوں فاصلے بھی سمٹ گئے ہیں۔ 15بلین ڈالر لاگت سے مکمل ہونیوالے اس انوکھے برج پر انجینئرز کی بار آزمائش کے بعد اسے عوام کے لئے کھولا گیا ہے ۔

چین کے صدر زی جن پنگ اور پل کے ذریعے رابطے میں آنے والے تینوں شہروں کے راہنما، جنوبی چین کے شہر ژوہائی میں ہونے والی افتتاحی قریب میں موجود تھے۔

اس پراجیکٹ پر 20 ارب ڈالر لاگت آئی ہے اور 54 کلومیٹر طویل راستے میں ایک زیر زمین سرنگ بھی شامل ہے۔

یہ پل ژوہائی کو ہانگ کانگ کے مالیاتی مرکز اور دریائے پرل ڈیلٹا کی دوسری جانب مکاؤ میں گیمبلنگ کے ایک مرکز سے ملاتا ہے۔

بھاری سرمائے سے تعمیر ہونے والے اس پل پر ٹریفک بدھ کے روز سے شروع ہو رہی ہے۔