ایران کے معاملے پر اقوام متحدہ کی سلامتی کونسل کا ہنگامی اجلاس

اقوام  متحدہ  کی سلامتی کونسل  کا اجلاس امریکہ کے مطالبے پر مشرق وسطی ایجنڈے کے ساتھ آج  منعقد ہو رہا  ہے۔

امریکہ  اس اجلاس میں ایران میں جاری  احتجاجی مظاہروں کو ایجنڈے میں لانے کا خواہاں ہے تا ہم اس بات کا احتمال ہے کہ   امریکی  انتظامیہ کو  ایران کے داخلی معاملات میں  دخل اندازی کرنے   کا مورد ِ الزام ٹہرانے والا روس اجلاس میں ایران    کے و اقعات پر   غور کیے جانے کے لیے کونسل سے رائے دہی کا مطالبہ کر سکتا ہے۔

ایسا  ہونے کی صورت میں  کونسل کے 15 ارکان میں سے 9 کی منظوری لازمی ہو گی۔

خیال رہے کہ اقوام متحدہ میں  امریکہ کی مستقل مندوب نِکی ہیلے  نے ایران میں جاری احتجاجی مظاہروں اور پُر تشدد واقعات  کے حوالے سے اقوام  متحدہ کی سلامتی کونسل کا ہنگامی اجلاس طلب  کرنے کا    کہا تھا۔

دوسری جانب  امریکی صدر ڈونلڈ ٹرمپ نے اس حوالے سے اعلان  کیا تھا کہ میں  " کٹر حکومتوں  سے نجات  حاصل کرنے کی کوشش کرنے  والے ایرانی  عوام  کا احترام کرتا ہوں ۔ وقت آنے  پر  آپ کو امریکہ کی وسیع پیمانے کی حمایت  ملے گی۔"