شمالی کوریا کو جواب دینے کے لئے تمام ترجیحات ہمارے پیش نظر ہیں: ٹرمپ

امریکہ کے صدر ڈونلڈ ٹرمپ نے کہا ہے کہ شمالی کوریا کو بیلسٹک میزائل تجربوں کا جواب دینے کے لئے تمام ترجیحات ہمارے پیش نظر ہیں۔

شمالی کوریا کی طرف سے ایک نیا بیلسٹک میزائل تجربہ کئے جانے اور اس میزائل کے جاپان کے اوپر سے گزرنے کا اعلان کئے جانے کے بعد صدر ٹرمپ نے تحریری بیان جاری کیا ہے۔

بیان  میں صدر ٹرمپ نے کہا ہے کہ دنیا کو شمالی کوریا کا پیغام واضح اور دو ٹوک شکل میں مل گیا ہے۔

انہوں نے کہا  کہ یہ دھمکی آمیز اور عدم استحکام پھیلانے والا روّیہ شمالی کوریا کو علاقے میں اور دنیا بھر میں تنہا کرنے کے عمل کو تیز کر دے گا۔ شمالی کوریا کو جواب دینے کے لئے تمام ترجیحات ہمارے سامنے ہیں۔

بیان جاری کرنے کے بعد صدر ٹرمپ کے وائٹ ہاوس میں جاپان کے وزیر اعظم شینزو آبے کے ساتھ ٹیلی فونک ملاقات کرنے کا اعلان کیا گیا۔

مذاکرات میں دونوں رہنماوں نے شمالی کوریا پر دباو میں اضافہ کرنے کا فیصلہ کیا ہے۔