ٹرمپ کا مواخذہ کیا جائے،ڈیموکریٹ رکن نے کانگریس میں درخواست دائر کر دی
کانگریس میں ڈیموکریٹ رکن بیرڈ شیرمین نے گزشتہ روز چار صفحات پر مشتمل ایک ایسی قرارداد پیش کی ہے جس میں صدرٹرمپ پرجرائم اور نامناسب رویے کے الزامات عائد کرتے ہوئے ان کے خلاف مواخذے کی درخواست کی گئی ہے
769844
امریکی کانگریس میں ڈیموکریٹ رکن بیرڈ شیرمین نے گزشتہ روز چار صفحات پر مشتمل ایک ایسی قرارداد پیش کی ہے جس میں صدر ڈونلڈ ٹرمپ پر بڑے جرائم اور نامناسب رویے کے الزامات عائد کرتے ہوئے ان کے خلاف مواخذے کی درخواست کی گئی ہے۔
شیرمین نے اس دستاویز میں ٹرمپ کی انتخابی ٹیم کے روس کے ساتھ مبینہ روابط کا خاص طور پر ذکر کیا ہے البتہ اس معاملے کی تفتیش جاری ہےنیز، اس میں ٹرمپ کے بیٹے کی روسی خاتون وکیل سے ملاقات کا بھی تذکرہ ہے۔
یہ بھی بتایا گیا ہے کہ اس قرارداد کے منظور ہونے کے امکانات صفر کے برابر ہیں کیونکہ ایوان نمائندگان میں ریپبلکنز ارکان کی اکثریت ہے ۔