یمن میں ہیضے کی وبا کے خلاف امداد کی اپیل

اقوام متحدہ  نے  تمام  تر رکن ممالک کو  فاقہ کشی اور وبائی امراض سے نبرد آزما    یمن  کو   امداد میں اضافے کی اپیل کی ہے۔

اقوام متحدہ کے  سیکرٹری جنرل کے   ترجمان  فرحان  حق   نے پریس کانفرس میں    ایک سوال کے جواب میں کہا  ہے کہ  یمن میں ہیضے  کی شکایات   میں   بدستور اضافہ ہو رہا  ہے۔

اسوقت  تک   ہیضے کی شکایت  کے ساتھ اسپتالوں سے رجوع کرنے والوں کی تعداد     کے تقریباً سوا لاکھ ہونے  کا ذکر کرنے والے حق   کا کہنا تھا کہ ابتک    923 افراد  اس مرض سے  ہلاک ہو چکے ہیں۔

انہوں نے  کہا کہ  اس  مرض کے خلاف جدوجہد کے لیے  ہم تمام تر ملکوں سے  یمن کو  صاف پانی،  صفائی کے لیے    ڈٹرجنٹس اور دیگر  متعلقہ سازو سامان    کی ترسیل  کی اپیل کرتے ہیں۔

واضح رہے کہ  یمن میں دو سال سے زائد عرصے سے جاری جھڑپوں کی بنا پر ملک  کے اندر    اپنے  گھر بار کو ترک کرنے پر مجوبر ہونے والے  تیس لاکھ افراد  پینے کے صاف  پانی کی قلت  اور    کوڑے  کرکٹ   کے ڈھیروں  کی وجہ  سے    ہیضے  کے مرض میں مبتلا ہونے کے خطرے سے دو  چار ہیں۔