عدم اعتماد کو ختم کرنے کے معاملے میں ابھی ہم بہت مسافت پر ہیں
ہم کسی ایسے مقام تک نہیں پہنچے جہاں ہم کہہ سکیں کہ سیاہ فام اس بات پر یقین رکھتے ہیں کہ پولیس ڈپارٹمنٹ احترام، وقار اور برابری کے احساس کے ساتھ ان کو خدمات فراہم کر رہا ہے۔ صدر باراک اوباما
امریکہ کے صدر باراک اوباما نے کہا ہے کہ ملک میں سکیورٹی فورسز اور عوام کے درمیان عدم اعتماد کو ختم کرنے کے معاملے میں ابھی ہم بہت مسافت پر ہیں۔
وائٹ ہاوس میں صدر اوباما نے ملک کی سکیورٹی یونٹوں کے حکام کے ساتھ اجلاس کیا جس میں وزیر انصاف لوریٹا لنچ اور "سیاہ فاموں کی زندگیاں اہم ہیں" نامی تحریک کے نمائندوں کے ساتھ ساتھ کثیر تعداد میں ایکٹیوسٹوں ، سماجی حقوق تحریک کے رہنماوں اور ملک کے مختلف مقامات سے مقامی سیاست دانوں نے شرکت کی۔
اجلاس تین گھنٹے سے زائد عرصے تک جاری رہا اور اجلاس کے آخر میں صدر اوباما نے اپنے جاری کردہ بیان میں کہا کہ عدم اعتماد کی فضاء پر قابو پانے کے موضوع پر ملک بھر سے منفی خبریں موصول ہو رہی ہیں۔
انہوں نے کہا کہ جس مقام پر ہم پہنچنا چاہتے ہیں وہ ابھی بہت دور ہے ہم کسی ایسے مقام تک نہیں پہنچے جہاں ہم کہہ سکیں کہ سیاہ فام اس بات پر یقین رکھتے ہیں کہ پولیس ڈپارٹمنٹ احترام، وقار اور برابری کے احساس کے ساتھ ان کو خدمات فراہم کر رہا ہے۔
صدر باراک اوباما نے کہا کہ اس کمی کو دور کرنے کے لئے معاشرے کے ہر طبقے کو اپنے اوپر عائد ہونے والی ذمہ داریوں کو پورا کرنا چاہیے۔
