متحدہ امریکہ میں ریلی میں فائرنگ کے نتیجے میں چار پولیس اہلکار ہلاک
پولیس اہلکاروں کو ایک مظاہرے کے دوران دو ماہر نشانہ بازوں کی طرف سے گولیوں کا نشانہ بنایا گیا۔ڈیلاس پولیس کے سربراہ ڈیوڈ براؤن کے مطابق تین افراد کو حراست میں لے لیا گیا ہے جب کہ ایک گیراج میں مسلح شخص سے جھڑپ جاری ہے
امریکی ریاست ٹیکساس کے شہر ڈیلاس میں ایک احتجاجی مظاہرے کے دوران پولیس اہلکاروں پر کی جانے والی فائرنگ کے نتیجے میں کم از کم چار اہلکار ہلاک ہو گئے ہیں۔
پولیس اہلکاروں کو ایک مظاہرے کے دوران دو ماہر نشانہ بازوں کی طرف سے گولیوں کا نشانہ بنایا گیا۔
ڈیلاس پولیس کے سربراہ ڈیوڈ براؤن کے مطابق تین افراد کو حراست میں لے لیا گیا ہے جب کہ ایک گیراج میں مسلح شخص سے جھڑپ جاری ہے۔
رواں ہفتے ہی ایک بار پھر دو مختلف علاقوں میں سیاہ فام مردوں کی پولیس کے ہاتھوں ہلاکت کے خلاف مظاہرے شروع ہوئے تھے اور جمعرات کو دیر گئے ہونے والے ایسے ہی ایک مظاہرے کے دوران پولیس اہلکاروں کے جانی نقصان کا واقعہ پیش آیا۔ قبل ازیں اس طرح کے احتجاجی مظاہرے پرامن رہے تھے۔ فائرنگ کا یہ مہلک واقعہ ایک ایسے وقت پیش آیا جب چند گھنٹے قبل ہی صدر براک اوباما نے قانون نافذ کرنے والوں پر زور دیا تھا کہ وہ اپنے اندر موجود نسلی امتیاز رکھنے والوں کو ہٹا دیں۔