حملوں کا ضروری جواب دے دیا گیا ہے اور دشمن کو سخت دہچکہ لگایا گیا ہے

آذربائیجان کے صدر الہام علی ایف نے کہا ہے کہ آرمینیا کی طرف سے حملوں کا ضروری جواب دے دیا گیا ہے اور دشمن کو سخت دہچکہ لگایا گیا ہے۔

علی ایف نے آرمینیا۔آذربائیجان فرنٹ لائن پر پیش آنے والی کشیدگی کے بعد سکیورٹی کونسل کا اجلاس منعقد کیا۔

اجلاس سے خطاب میں انہوں نے کہا کہ آرمینی فورسز کے تحریکی اقدام کے بعد جوابی آپریشن کیا گیا ہے جس میں فرنٹ لائن کے بعض اسٹریٹجک اہمیت کے حامل نقاط پر قبضہ کر لیا گیا ہے۔

انہوں نے کہا کہ آرمینیا کا مقصد علاقے کی موجودہ صورتحال کو برقرار رکھنا ہے اور اسی وجہ سے وہ ایک تواتر کے ساتھ اس نوعیت کے تحریکی اقدامات کر رہا ہے۔

الہام علی ایف نے کہا کہ انہوں نے دوبارہ ہمارے ٹھکانوں پر حملہ کیا ہے جس میں ہمارے فوجی اور افسران جاں بحق ہو گئے ہیں ۔اس کے بعد آذربائیجان کی فوج نے دشمن کا سر کچل دیا اور اب وہ چِلا رہے ہیں کہ آذربائیجان نے فائر بندی کی خلاف ورزی کی ہے۔

انہوں نے کہا کہ ہم نے فائر بندی کی خلاف ورزی نہیں کی بلکہ ان کی تحریکی کاروائی کا موزوں جواب دیا ہے۔ اور جب تک آرمینیا اپنی تحریکی کاروائیوں سے باز نہیں آتا آذربائیجان کی فوج اب کے بعد بھی انہیں ان کے کئے کی سزا دیتی رہے گی۔