مالی:فوجی مشن پر حملے کی کوشش،حملہ آور ہلاک

مالی کے دارالحکومت باماکو میں یورپی یونین کے عسکری تربیتی مشن کے مقیم ہوٹل پر مسلح افراد نے حملہ کر دیا ۔

اس واقعے میں ایک حملہ آور ہلاک اور دو کو گرفتار کرلیا گیا ۔

عینی شاہدین کا کہنا ہے کہ ان حملہ آوروں نے ہوٹل کے سامنے متعین حفاظتی اہلکاروں پر فائرنگ کر تے ہوئے ہوٹل میں داخل ہونے کی کوشش کی ۔

یورپی یونین مشن نے ٹویٹر پر اپنے بیان میں واضح کیا ہے کہ اس حملے میں کسی کے ہلاک یا زخمی ہونے کی اطلاع نہیں ملی ہے ۔