مونٹیگری نیٹو کا 29 واں رکن

نیٹو نے مونٹیگری کو میثاق کے 29 ویں رکن بننے کی پیش کش کی ہے۔
برسلز میں منعقدہ وزراء خارجہ کے اجلاس کے دوسرے روز سابق جمہوریہ یوگوسلاویہ کا حصہ ہونے والے مونٹیگری کے ساتھ رکنیت مذاکرات کو شروع کیے جانے کا فیصلہ کیا گیا ہے۔
رکن مملکتوں کے نمائندوں کی تالیوں کی گونج میں جاری کردہ اعلان کے دوران نیٹو کے سیکرٹری جنرل اسٹولٹن برگ کا کہنا تھا کہ یہ ایک تاریخی فیصلہ ہے۔ یہ مونٹیگری ، مغربی بلقان اور نیٹو کے لیے ایک با معنی دن ہے۔ یہ فیصلہ ایک اچھے اتحاد کی شروعات ہے۔
واضح رہے کہ کئی ماہ تک جاری رہنے والے سلسلہ شراکت کے بعد مونٹیگری میثاق کا 29 واں رکن بنے گا۔