ملکی سلامتی کی پالیسی کی تبدیلی لازمی ہے ، نیکولس سرکوزی

فرانس کے سابق صدر نیکولس سرکوزی نے کہا ہے کہ جن انتہا پسند مذہبی گروپوں کا پولیس میں ریکارڈ موجود ہے انھیں اپنے گھروں میں نظر بند کرنے کی ضرورت ہے ۔
پیرس میں دہشت گرد حملے کے بعد بیان دیتے ہوئے انھوں نے کہا کہ پولیس میں جن انتہا پسندوں کا ریکارڈ موجود ہے انھیں اپنے گھروں میں نظر بند کرنے سے خفیہ سروس مشتبہ افراد کی زیادہ بہتر طریقے سے نگرانی کر سکتی ہے ۔ ریڈیکل گروپوں کی ویب سائٹ کو دیکھنے والوں کو بھی ریڈیکل قرار دینے اور اسے جرم قرار دینے کی ضرورت ہے ۔ سرکوزی نے کہا کہ ہم حکومت کی قومی سلامتی سے متعلق تمام تدابیر کی حمایت کریں گے۔ ملک ایک طویل جنگ میں داخل ہو گیا ہے اور ملکی سلامتی کی پالیسی کو موزوں شکل میں تبدیل کرنے کی ضرورت ہے ۔