داعش کے خلاف جدوجہد کو جاری رکھا جائے گا

فرانس کے وزیر اعظم مانوئیل والز نے کہا ہے کہ فرانس دہشت گردی کے خلاف جدوجہد کے موضوع پر پُر عزم ہے اور دہشت گرد تنظیم داعش کے خلاف جدوجہد کو جاری رکھا جائے گا۔
مانوئیل والز نے فرانس کے TF1 ٹیلی ویژن چینل کے ایک پروگرام میں شرکت کی اور کہا کہ حملہ آور نہایت منظم تھے تاہم ہم دہشت گردی کے خلاف جدوجہد میں کسی صورت پیچھے قدم نہیں ہٹائیں گے۔
انہوں نے کہا کہ شام کے بارے میں فرانس کے طرزعمل میں کوئی تبدیلی نہیں آئی اور ہم شام میں دہشت گرد تنظیم داعش پر بمباری کو جاری رکھیں گے۔
انہوں اتحاد و اخوت کا پیغام دیا اور کہا کہ فرانسیسی عوام ، حکومت اور پارلیمنٹ کو مضبوط بننے کی ضرورت ہے۔
والز نے اس بات پر بھی زور دیا کہ جو کوئی بھی جمہوری اقدار کے لئے خطرہ ہو گا ہم اس کے ساتھ جنگ کے لئے تیار ہیں اور اس سلسلے میں بعض افراد کو ملکی سرحدوں سے نکالنے کا موضوع بھی ایجنڈے پر آ سکتا ہے۔
والز نے کہا کہ رواں مہینے کے آخر میں پیرس میں متوقع موسمیاتی کانفرنس کے پروگرام میں کوئی تبدیلی نہیں آئی۔