مرغی کی آخری بوٹی کھانے پر دوست کا قتل

پاکستان میں معمولی تنازعات پر قتل کی وارداتوں کے متعلق تو سنتے ہی رہتے ہیں مگرامریکی ریاست ٹیکساس کے شہر ہوسٹن میں ایک شخص نے گوشت کی آخری بوٹی کھانے پر دوست کو موت کے گھاٹ اتار دیا ۔
38سالہ رینالو کارڈوسو اور 34سالہ ڈارون پیرز گونزالز دیگر تین دوستوں کے ساتھ مل کر کھانا کھا رہے تھے سب نے شراب بھی پی رکھی تھی۔ جب ان کے سامنے پڑا ہوا گوشت ختم ہونے لگا تو ڈارون نے جلدی سے آخری بوٹی اٹھا لی جس پر رینالدو طیش میں آ گیا۔
پہلے دونوں دست و گریباں ہوئے اور پھر رینالدو نے ڈارون کو چاقو کے وار کرکے قتل کر دیا اور فرار ہو گیاتاہم، بعد میں خود ہی جائے حادثہ پر واپس آیا اور خود کو پولیس کے حوالے کر دیا اور جرم کا اعتراف بھی کر لیا، جس پر پولیس نے اس کے خلاف مقدمہ درج کر لیا ہے۔