شام کے خلاف فضائی کاروائی میں شامل ہونے کی برطانوی کوشش ناکام

برطانوی وزیر اعظم ڈیوڈ کیمرون کو شام میں داعش کے خلاف فضائی کارروائی میں شامل ہونے کی اجازت نہیں مل سکی۔
خارجہ امور کی پارلیمانی کمیٹی کے مطابق،شدت پسند تنظیم کے خلاف کوئی واضح حکمت عملی بنائی نہیں جاتی اُس وقت تک فضائی حملوں میں شریک ہونا کسی طور پر بھی مناسب نہیں ہو گا۔
بیان میں مزید کہا گیا ہے کہ حالیہ ایام میں شام اور عراق میں داعش کے خلاف کئی غیر مربوط عسکری کارروائیاں جاری ہیں۔
کمیٹی کا یہ بھی کہنا تھا کہ ان فضائی حملوں میں شمولیت کی بجائے برطانیہ کو چاہیے کہ وہ ان ممالک میں خانہ جنگی کے خاتمے کے لیے سیاسی سطح پر کوششیں کرے۔