گواٹیمالا میں مٹی کے تودے گرنے سے 30 افراد ہلاک

وسطی امریکی ملکوں میں سے گواٹیمالا میں مٹی کے تودے گرنے سے ہلاک شدگان کی تعداد میں اضافہ ہوتا جا رہا ہے۔
اس آفت سے ہلاک ہونے والوں کی تعداد 30 تک جا پہنچی ہے جبکہ سینکڑوں افراد لاپتہ ہیں۔
گواٹیمالا میں درجنوں مکانات کے مٹی تلے دب جانے والے دارالحکومت کے جوار میں واقع قصبے میں امدادی کاروائیاں جاری ہیں۔
امدادی ٹیموں نے ملبے تلے سے 34 افراد کو زندہ نکال لیا ہے۔
حکام کا کہنا ہے کہ آفت زدہ علاقے میں لاپتہ ہونے والے افراد کی تعداد 600 کے لگ بھگ ہے۔
یاد رہے کہ گواٹیمالا کے جنوب مشرق میں واقع سانتا کاتارینا پینولا علاقے میں بروز جمعرات موسلا دھار بارشوں کے بعد وسیع پیمانے پر لرزشِ اراضی کے واقعات پیش آئے تھے۔