ہالینڈ میں ایک حوالدار داعش میں شامل ہونے کے شبے میں معطل

ہالینڈ میں ایک حوالدار کا داعش میں شامل ہونے کا شبہ ظاہر کیا گیا ہے۔
ہالینڈ کے وزیر دفاع پلاس چیرٹ نے کہا ہے کہ ایک حوالدار کو داعش میں شامل ہونے کے لیے شام جانے کے شبے میں وقتی طور پر معطل کر دیا گیا ہے اور اس کیخلاف تحقیقات کا آغاز کر دیا گیا ہے لیکن 26 سالہ اس حوالدار کا نام نہیں بتایا گیا ہے ۔ ہالینڈ کی خفیہ سروس کے اندازوں کیمطابق تنظیم میں شامل ہونے والے ہالینڈ کے 20 شہری جھڑپوں میں ہلاک ہو چکے ہیں جبکہ 35 شہری ہالینڈ واپس لوٹ آئے ہیں ۔ ہالینڈ میں اسوقت سینکڑوں کی تعداد میں داعش کے حامی اور جہادی موجود ہیں ۔