سیاہ فاموں کی بغاوت کی وجہ سے پولیس ڈائریکٹر ملازمت سے برطرف

امریکہ میں سیاہ فاموں کی بغاوت کی وجہ سے پولیس ڈائریکٹر کو ملازمت سے برطرف کر دیا گیا۔۔۔
امریکہ کی ریاست بالٹی مور میں 25 سالہ سیاہ فام نوجوان فریڈی گرے کی پولیس کے زیر حراست ہلاکت اور بعد میں پیش آنے والے واقعات کی وجہ سے بالٹی مور کے بلدیہ مئیر سٹیفن رالنگز بلیک نے پولیس ڈائریکٹر انتھونی بیٹس کو ان کے عہدے سے معزول کر نے کا اعلان کیا ہے۔
واضح رہے کہ 25 سالہ سیاہ فام فریڈی گرے کی زیر حراست ہلاکت کے بعد بالٹی مور میں کئی روز تک بغاوت جاری رہی جس نے شہر کو میدان جنگ میں تبدیل کر دیا تھا۔
سیاہ فام کی ہلاکت کے بعد 6 پولیس اہلکاروں سے تفتیش کی گئی، وزارت دفاع کی شہر میں شروع کروائی گئی تحقیقات کے دوران پولیس ڈائریکٹر انتھونی بیٹس بھی تنقید کی زد میں آئے۔
بغاوت کے خاتمے کے بعد شہر میں جرائم کی شرح میں بڑے پیمانےپر اضافہ دیکھا گیا۔
شہر بھر میں 155 قتل کی وارداتیں ہوئیں اور یہ شرح گذشتہ سال کے اسی دورانیے کی شرح سے 48 فیصد زیادہ تھی۔
بالٹی مور بلدیہ مئیر سٹیفن رالنگ بلیک نے شہر میں قتل کی وارداتوں میں اضافے کے بعد پولیس ڈائریکٹر انتھونی بیٹس کو معزول کر کے ان کی جگہ ان کے نائب کیوین ڈیوس کو عارضی طور پر متعین کر دیا ہے۔