تیکا کی جانب سے مقدونیہ میں سیلاب متاثرین کی امداد

ترکی کے ترقیاتی اور کوارڈی نیشن ادارے تیکا نے مقدونیہ میں سیلاب متاثرین کی امداد کی ہے۔
ملک میں شدید بارشوں کی وجہ سے کالی مانتسی بیراج بھرنے کے بعد اس کا پانی باہر بہنا شروع ہوگیا ہے جبکہ برگالنیتسا دریا میں طغیانی آئی ہوئی ہے۔
شدید بارشوں کی وجہ سے زرعی اراضی کو شدید نقصان پہنچا ہے اور ملک میں ہنگامی حالات کا اعلان کردیا گیا ہے۔
ترکی نے بھی فوری طور پر امداد بہم پہنچانا شروع کردیا ہے۔
ترکی کے ترقیاتی اور کوارڈی نیشن ادارے تیکا نے سیلاب سے متاثرہ دیہاتوں کو انسانی امداد ی پیکیجز پہنچانا شروع کردیے ہیں۔
تیکا نے آٹھ مختلف دیہاتوں سینکڑوں افراد کو امداد فراہم کی ہے۔