ملک میں بسے نوجوان تارکین وطن کو پیشہ وارانہ تربیت فراہم کی جائ

جرمن چانسلر انگیلا مرکل نے کہا ہے کہ ان کی حکومت ایک ایسے منصوبے پر کام کر رہی ہے جس کی مدد سے جرمنی میں مقیم تارکین وطن کے خاندانوں سے تعلق رکھنے والے نوجوانوں کے لیے پیشہ ورانہ تربیت کے مواقع بہتر بنائے جائیں گے۔
انگیلا مرکل نے برلن میں سماجی مساوات کے موضوع پر اہتمام کردہ ایک سرکاری کانفرنس کے شرکاء سے خطاب کرتے ہوئے کہا کہ تارکین وطن کے پس منظر والے نوجوانوں کے لیے تربیتی مواقع کی صورت حال بہتر بنانے کی ضرورت ہے۔
انہوں نے کہا کہ جرمنی کو ایسے نوجوانوں کے روزگار کی ملکی منڈی میں داخلے کی رفتار میں اضافہ کرنا ہو گا۔
مرکل نے یہ اعتراف بھی کیا کہ روزگار کے لیے دی گئی کئی درخواستیں محض اس وجہ سے ناکام رہتی ہیں کہ درخواست دہندہ کا نام غیر ملکی ہوتا ہے۔