صدر اوباما کی شفا یاب ہونے والی نرس سے ملاقات

امریکہ کی ایک نرس جنھیں لائبیریا سے آئے ایبولا کے مریض کی دیکھ بھال کے دوران بیماری لگ گئی تھی شفایاب ہونے کے بعد اسپتال سے رخصت کیا گیا ہےگزشتہ روز وائٹ ہاؤس آمد پر صدر اوباما نے نرس نینا فام کو گلے لگایا۔
صدر سے اس ملاقات سے کچھ ہی دیر قبل اُنھیں واشنگٹن سے کچھ ہی فاصلے پر واقع نیشنل انسٹی ٹیوٹ آف ہیلتھ کے اسپتال سے فارغ کیا گیا تھا۔
وائٹ ہاؤس کے ترجمان جوش ارنیسٹ نے بتایا کہ صدر کو قطعا ً کوئی پریشانی نہیں تھی کہ فام کو گلے لگانا کسی خطرے کا باعث بن سکتا ہے۔
فام ڈالاس کے ایک اسپتال میں نرس کے فرائض انجام دیتی ہیں۔