سربرینتسا قتلِ عام کی یاد میں

بوسنیا میں سربرینتسا کے قتلِ عام کو انیس سال کا عرصہ گزر گیا لیکن اس کے زخم آج بھی تازہ ہیں۔
آٹھ ہزار مقتول مسلمانوں میں سے ایک سو پچھتر کی نعشوں کی آج شناخت کرنے کے بعد پوتو چاری میں تدفین کی جائے گی ۔
پوتو چاری میں اس وقت ماحول سوگوار ہے کہ جہاں مقتولین کے لواحقین آبدیدہ نگاہوں سے اپنے پیاروں کی قبروں کے سرہانے بیٹھے اُنہیں یاد کر رہے ہیں۔
بازیاب کی جانے والی ایک سو پچھتر نعشوں کو آج نمازِ جنازہ کی ادائیگی کے بعد سپردِ خاک کر دیا جائے گا۔