Aliýew, Paşinýan we Mişel Brýusselde Üçtaraplaýyn Duşuşyk Geçirdi
Mişel, Ilham Aliýew bilen Nikol Paşinýanyň Azerbaýjan-Ermenistan demirýol liniýasy meselesinde ylalaşyk gazanandygyny aýtdy.
Azerbaýjanyň Prezidenti Ilham Aliýew we Ermenistanyň Premýer-ministri Nikol Paşinýan, ÝB Geňeşiniň başlygy Mişel bilen üçtaraplaýyn duşuşyk geçirdi.
ÝB Geňeşiniň başlygy Çarles Mişel şu gün Belgiýanyň paýtagty Brýusselde geçiriljek ÝB-Ýakyn Gündogar maslahatynyň öňüsyrasynda Ilham Aliýew we Nikol Paşinýan bilen aýry aýry duşuşdy.
Aliýew, Paşinýan we Mişel soň bolsa agşam naharynda üçtaraplaýyn duşuşyk geçirdi.
Duşuşyk 2 sagatdan gowrak dowam etdi.
Üçtaraplaýyn duşuşykdan soň metbugata beýannama beren Mişel, Ilham Aliýew bilen Nikol Paşinýanyň Azerbaýjan-Ermenistan demirýol liniýasy meselesinde ylalaşyk gazanandygyny aýtdy.
Degişli Habarlar
Indoneziýada Gelen Sil Sebäpli 67 Adam Ýogaldy
Indoneziýanyň Günbatar Sumatra welaýatyndaky sil sebäpli ýogalanlaryň sany 67 adama ýetdi.