Nigeriýada guralan ýaragly hüjümlerde 7 adam ýogaldy
Günbatar Afrikada ýerleşýän Nigeriýada 2 aýry ýerde guralan hüjümde jemi 7 adam ýogaldy
Ýurdyň Kaduna ştatynyň Içerki howpsuzlyk we Içeri işlerden jogapkär komissary Samuel Aruwan beren ýazmaça beýanatynda, şahsyýetleri entek anyklanmadyk ýaragly adamlaryň ştatyň Kakau we Tsohon Gaýa diýilen ýaşaýyş ýerlerine hüjüm gurandygyny habar berdi.
Aruwan, ýaragly hüjümlerde 7 adamyň ýogalandygyny, köp sanda adamyň ýaralanandygyny mälim etdi.
Ýurtda soňky wagtlarda ýaragly adamlaryň motosikller bilen hüjümler guramagy sebäpli käbir ştatlarda motosiklleriň ulanylmagy gadagan edildi.
Sebitde wagtal-wagtal maldarçylyk bilen meşgullanýan Fulaniler bilen ekerançylyk bilen meşgullanýan taýpalaryň arasynda ýaragly çaknyşyklar bolýar.
Kaduna ştatynda geçen ýyl ýaragly adamlar tarapyndan guralan hüjümlerde 937 adam ýogaldy, 1972 adam bolsa ýaralandy.
Mallaryny otlatmak üçin ýurdyň günortasyna göçen Fulaniler ekerançylaryň özleriniň mallaryny ogurlamaga synanyşýandyklaryny we özlerine hüjümler guraýandyklaryny öňe sürýärler.
Degişli Habarlar
ÝB-niň Giňelmekden Jogapkär Ýolbaşçysy Türkiýede Saparda Bolar
Warhelýi resmi saparynyň çäginde 23-nji maýda Daşary işler ministri Hakan Fidan bilen duşuşar.