ÝB-ne Agza Ýurtlaryň Daşary Işler Ministrleri Daglyk Garabag Meselesini Ara Alyp Maslahatlaşdy

ÝB-ne agza ýurtlar, Daglyk Garabag krizisinde sebitara aktýorlaryň, çaknyşyklaryň bes edilmegine we parahatçylygyň üpjün edilmegine goşant goşmaklary meselesinde ylalaşyk gazandy.

ÝB-ne agza ýurtlaryň daşary işler ministrleriniň Lüksemburgda geçiren maslahatyndan soň metbugata beýannama beren ÝB-niň Daşarky gatnaşyklardan we howpsyzlykdan jogapkär ýokary wekili Borrel, Daglyk Garabag meselesini hem ara alyp maslahatlaşandyklaryny aýtdy.

Daglyk Garabag meselesinde Ýewropada howpsyzlyk we hyzmatdaşlyk guramasynyň Minsk toparynyň egindeş baştutanlaryndan Fransiýanyn Daşary işler ministri Le Drianyň soňky wakalar hakynda maglumat berendigini aýdan Borrel, çaknyşyklaryň bes edilmegi, gepleşikleriň başlamagy we 10-njy oktýabrda gazanylan ylalaşygyň dowam etdirilmegi hakynda pikir alyşandyklaryny ýatlatdy.

Borrel, ÝB-ne agza ýurtlaryň, sebitara aktýorlaryň, çaknyşyklaryň bes edilmegine we parahatçylygyň üpjün edilmegine goşant goşmaklary meselesinde ylalaşyk gazanandyklaryny belledi.