BMG agza ýurtlaryň deňiz giňişligi boýunça özygtyýarlylygy hakynda beýannama berdi

BMG-niň Metbugat sekretary Ferhan Hak Türkiýe bilen Liwiýanyň arasynda deňizde ygtyýar giňişlikleriniň çäklendirilmegi hakynda gol çekişilen ylalaşyk boýunça guramanyň agza ýurtlaryň deňiz giňişligi boýunça özygtyýarlylygy, özygtyýarlylyk hukuklary we ygtyýar giňişlikleri boýunça pozisiýa eýelemeýändigini, emma ýapyk ýa-da ýarym ýapyk belli zolaklarda üçünji taraplaryň bähbitleriniň göz öňünde tutulmalydygyny beýan etdi.

Beýleki tarapdan BMG-niň Baş sekretary Antoniu Guterreş we BMG-niň Howpsyzlyk geňeşiniň dekabr aýyndaky wagtlaýyn başlygy ABŞ-nyň BMG-niň ýanyndaky Hemişelik wekili Kelli Krafta hat ugradyp, Türkiýäni şikaýat etdi.

Türkiýäniň Halkara deňiz hukuklary ylalaşygynyň düzgünlerini bozandygyny öňe süren Gresiýa, BMG-niň Howpsyzlyk geňeşiniň agzalaryny maslahat geçirmäge çagyrdy.

Türkiýe bilen Liwiýadaky Halkara jebislik hökümetiniň arasynda 27-nji noýabrda “Howpsyzlyk we harby hyzmatdaşlyk etmek hakynda ylalaşyk” bilen iki ý urduň halkara hukukdan alýan haklarynyň goralmagyny maksat edinýän “Deňiz ygtyýar giňişlikleriniň çäklendirilmegi hakyndaky ylalaşyga” gol çekişilipdi.