Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly beýan tapýar
Spiegel.de: Braziliýanyň Döwlet baştutany Žair Bolsonarunyň takmynan 400 müň braziliýalynyň koronawirus epidemiýasyndan ýogalmagyndaky jogapkärçiligini derňemek maksady bilen derňew komissiýasy dörediler.
Deutsche Welle: Ýewropa Bileleşigi agza ýurtlara galyndy suwlary derňemek barada çagyryş berdi. ÝB agza ýurtlara Kowid-19 wirusyny möhletinden ir anyklamak üçin galyndy suw ulgamlaryny derňemäge çagyrdy. ÝB muny irki duýduryş ulgamy hökmünde garaýar.
Al-Raýa Al-Katariýa (Katar): Beýik Britaniýa 2022-nji ýylda ýokanç keseller bilen bagly maslahata ýer eýeçiligini eder.
Al-Mustakbal (Liwan): Gün tupany tiz depginler bilen Dünýä tarap hereket edýär, emeli hemralara täsir ýetip biler.
Al-Watan (Oman): Eýran ABŞ-nyň nebit we banky ulgamlaryna garşy goýan embargolaryny aýyrjakdygyny çak edýär.
El Tiempo (Kolumbiýa): Kolumbiýanyň Döwlet baştutany Iwan Dukeniň Salgyt reformasyny yzyna çekmeginden soň, ýurdyň biri-birinden tapawutly pudaklary bilen pikir alyşylyp täze bir taslama düzülip taýarlanar.
El Mundo (Ispaniýa): 4-nji maýda geçiriljek Madrid ýerli parlament saýlawyndan ozal Halkçy partiýada umyt: Izabel Dias Aýuso üstün çykar.
El Universal (Meksika): Meksikada bir adamda Kowid-19-yň Hindistandaky mutasiýasy anyklandy.
Le Figaro: Kowid-19: Fransiýada 10 km çägiň tamamlanmagy we açylyşyň başlangyjy. Fransiýada karantin günlerinde 10 km-lik aralyga çenli ýöremäge rugsat berilipdi. Karantin düzgünlerinden soň tapgyrlaýyn açylyş 3-nji maýda başlar.
Le Monde: 1-nji maý çäreleri: Parižde Umumy Iş konfederasiýasy kerwenine garşy aşa güýç ulanylmagy bilen bagly derňew işi başladyldy.
Le Parisien: SNCF (Fransiýanyň Otly dolanşyk edarasy): "Bu tomus üçin iň köp 39 ýewro 5 million petek satuwa çykaryldy" diýip habar berdi.
Russia Today: The National Interest gazediniň berýän habaryna görä, ABŞ-nyň Prezidenti Jo Baýdeniň Russiýa bilen bagly aýdan sözleri sebäpli, Russiýa we Hytaý şärik bolup biler we bu ýagdaý ABŞ üçin apat bolar.
Regnum Agentligi: Ukrainanyň gündogarynda birtaraplaýyn häsýetde garaşsyzlygyny yglan eden Donetsk Halk Respublikasynyň başlygy Denis Puşilin, Ukrainanyň Döwlet baştutany Wladimir Zelenskiý bilen duşuşyk geçirmäge taýardygyny beýan etdi.
Lenta.ru: Gyrgyzystan we Täjigistan, serhetdäki harby güýçlerini yzyna çekdiler. 29-njy aprelde başlan çaknyşyklaryň netijesinde Gyrgyzystanyň 34 raýaty şehit boldy.