Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly beýan tapýar
“Le Monde” ABŞ-da 1965-nji ýylyň 21-nji fewralynda janyna kast edilmegi netijesinde ýogalan syýasatçy we adam hukuklaryny goraýjy Malkolm X-iň maşgalasynyň jenaýat hakynda ýaňadandan kaziýet işiniň gozgalmagyny talap edendigini belleýär.
“Frans-24” Bütindünýä Saglygy goraýyş guramasynyň baý ýurtlaryny ýoksul ýurtlara sanjymyň berilmegini bökdemekde günäkärleýändigini habar berýär.
“Le Soir” ABŞ-nyň Prezidenti Jo Baýdeniň ýurtda koronawirus sebäpli ýogalanlaryň sanynyň ýarym million adamdan geçendigi sebäpli baýdaklaryň ýarysyna çenli aşakladylmagy üçin görkezme berendigini nygtaýar.
“Al Raýa-Al Katariýa” Alymlaryň sanjym tapgyrynyň depgininiň pes bolmagynyň täze görnüşleriň ýüze çykmagyna sebäp boljakdygy hakynda duýduruş berýändigini belleýär.
“Al Mustakbal” Eýranyň dini lideri Ali Hamaneýiň “Hiç kim Eýranyň ýadro ýaragyna eýe bolmagyny bökdäp bilmez” diýen sözlerine ýer berýär.
“El Pais” NASA-nyň marsa ugradan emeli hemrasynyň taryhda ilkinji gezek hemranyň Marsa gonan pursadyny wideo ýazga alandygyny nygtaýar.
“El Mundo” ÝB-niň Çawesiň tarapdary 19 ýolbaşça sanksiýa goýandygyny belleýär.
“Infobae” ABŞ-nyň neşe täjiri Guzmanyn aýaly Emma Koroneli neşe söwdasyny edendigi sebäpli tussag edilendigini ýazýar.
“Frankfurter Allgemeine Saýtung”, Germaniýanyň Keln şäherinde Hanauda gurban bolanlaryň fotosuratlaryna hüjüm edilendigini belleýär.
“RTL” Germaniýada täze görnüş koronawirus epidemiýasy sebäpli ýapylan başlangyç klas mekdepleriniň we çagalar baglarynyň uly şäherlerde açyljakdygyny habar berýär.
“Tagessjhau.de” Britaniýada Kowid-19 sebäpli goýlan ähli çäklendirmeleriň 21-nji iýunda bes ediljekdigini mälim edýär.
“Westi” gazeti, Gyrgyz Respublikasynda Russiýanyň täze görnüş koronawirusa garşy öndüren Sputnik W sanjymyň adatdan daşary ýagdaýda ulanylmagyna rugsat berlendigini habar berýär.
“Lenta.ru” Russiýanyň döwlet Ýolbaşçysy Wladimir Putin bilen Belarusyň Prezidenti Aleksandr Lukaşenkonyň Russiýanyň Soçi şäherinde duşuşandygyny we duşuşygyň 6 sagatdan köp dowam edendigini okyjylarynyň dykgatyna ýetirýär.
