Daşary ýurt metbugatyna syn
Daşary ýurt köpçülikleýin habar beriş serişdeleri dünýäniň we Türkiýänin gün tertibiniň ileri tutulýan ugurlary bilen bagly habarlara giň orun berýärler
Deutsche Welle: Kassel welaýatynyň ozalky gubernatory Walter Lýubkeniň öldürilmegi bilen bagly kazyýet işi netijelendi. Jenaýatçy Stefan Ernst ömür boýy azatlykdan mahrum edildi.
zdf.de: Germaniýanyň hökümeti koronawirusyň mutasiýa sezewar bolan görnüşiniň hasaba alynan ýurtlaryna syýahatçylyk gadagançylygyny girizmek isleýär.
ard.de: Germaniýanyň Sanjym komissiýasy, AstraZeneca kärhanasy tarapyndan oýlanyp tapylan Kowid-19 sanjymynyň 65 ýaş we ondan ýokary ýaşda bolan adamlara edilmezlik barada maslahat berdi.
Al-Kudus Al-Arabi: Britaniýa BAE-den geljek ýolagçylaryň ýurda girmegini gadagan etdi.
Al-Kudus Al-Arabi: BMG-nyň Baş sekretary Antoniu Guterriş: "Palestinanyň halkynyň öz ykbalyny özüniň çözmegine we garaşsyzlyk hukugyna hormat goýulmalydyr" diýip belledi.
Al-Dustour (Iordaniýa): Waşington: "Ýadro ylalaşygana gaýdyp gelmek Eýranyň öz üstüne düşýän jogapkärçilikleri ýerine ýetirmegine baglydyr" diýip belledi.
Al-Raya (Katar): Owganystanyň Garaşsyz adam hukuklary komissiýasy, asuda ilat ýitgileriniň geçen ýyl 2019-njy ýyla garanyňda 21 göterim azalandygyny habar berdi.
La Tersera (Çili): Hytaýyň Sinowak laboratoriýasyndan ilkinji tapgyr Koronawak sanjymlary Çilä getirildi.
El Mundo (Ispaniýa): Ýewropa Bileleşigi, sanjym eksportyny gadagan edip biljek mehanizmi durmuşa geçirmäge başlady.
El Pais (Ispaniýa): Koronawirus epidemiýasynyň 1-nji ýylynda Ispaniýada 622 müň 600 adam işsiz galdy we işsizlik derejesi 16,3 göterime ýetdi.
Le Parisien: Fransiýada şäherleriň töweregindäki ýaşaýyş ýerlerine hökümet 3,3 milliard ýewro pul serişdesiniň bölünip aýryljakdygy barada söz berdi.
Le Figaro: Barkhane operasiýasy: ABŞ-nyň Goranmak ministrligi Pentagon, Pariže hiç hili söz bermedi.
Le Monde: Fransiýadaky jynsy we maşgala içindäki jenaýatlar 2020-nji ýylda karantin bilen birlikde azaldy.
RIA Nowosti:Russiýada ýokary okuw jaýlary 7-nji fewralda adaty bilime gaýdyp gelip biler.
Interfaks: Ukrainanyň Döwlet baştutany Wladimir Zelenskiý, Ukrainanyň Milli Howpsuzlyk we Goranyş geňeşiniň Russiýadaky käbir hususy kärhanalara we şahsyýetlere garşy sanksiýa goýmak barada karar kabul edendigini habar berdi.
Regnum: Russiýa Today agentliginiň baş redaktory Margarita Simonýan, Ukrainanyň gündogarynda birtaraplaýyn häsýetde garaşsyzlyklaryny yglan eden iki respublikany Russiýa birikdirmek barada çagyryş berdi.
