Daşary ýurt metbugatyna syn
Daşary ýurt köpçülikleýin habar beriş serişdeleri dünýäniň we Türkiýänin gün tertibiniň ileri tutulýan ugurlary bilen bagly habarlara giň orun berýärler
Le Parisien: Pari Sen-Žermen komandasy bilen geçen aý geçirilen duşuşykda rasist hüjüme sezewar galan Başakşehir komandasynyň tälimçisiniň kömekçisi Pierre Webo, PSŽ-nyň ozalky tälimçisi Tomas Tuçeliň ýetersiz goldawyna gynanandygyny belledi.
Le Monde: Kowid-19: ÝB sanjym öndürijilerine jogapkärçilikleri barada duýduryş berdi.
France 24: Kowid-19: Fransiýada mugallymlar, okuwçylar we mekdepleriň şepagat uýalary iş taşlaýyş yglan etdiler.
Al-Kudus al-Arabi: Resmi Waşington: "Palestinada iki döwletli çözgüde goldaw berýäris" diýip belledi.
Al-Raýa al-Katariýýa (Katar): Kataryň Emiri Şeýh Temim bin Hamed Al-Sani, Saud Arabystanynyň Şasy Selman Bin Abdülazize, Şa gyzy Tarfe binti Saud bin Abdülaziziň ýogalmagy sebäpli gynanç hatyny ugratdy.
Ad-Düstur (Iordaniýa): BMG-nyň Baş sekretary Antonio Guterriş: "Dünýä asyryň iň erbet ykdysady krizisini başyndan geçirýär" diýip belledi.
Deutsche Welle: Täze mutasiýa Germaniýada howsala döretdi: Bu gezek adamlaryň yssy howada hem saglyk ýagdaýy gowulaşman biler.
Süddeutsche Zeitung: Germaniýanyň Federal Kansleri Angela Merkeliň we ABŞ-nyň Prezidenti Jo Baýdeniň ilkinji telefon arkaly söhbetdeşligi: Berliniň ABŞ-dan garaşýanlary köp.
Bild.de: Koronawirus mutasiýasy: Germaniýanyň Federal Kansleri Angela Merkel syýahatçylyk çäklendirmesini talap edýär.
El Mundo (Ispaniýa): Kowid-19 sebäpli derslere girip bilmeýän okuwçylaryň sanyndaky artyş mugallymlary we ene-atalary aladalandyrmaga başlady.
La Vanguardia (Ispaniýa): Halkara Pul gaznasynyň çaklamalaryna görä Ispaniýa garaşylýandan has az ösüş eder.
Telesur (Wenesuela): Wenesuelanyň Döwlet ýolbaşçysy Nikolas Maduro, bu hepde koronawirusyň bejergisi üçin ýerli Korwatwir atly dermanyň önümçiligine başlanandygyny habar berdi.
Kommersant: Russiýanyň Döwlet baştutany Wlaidmir Putin, wezipä täze başlan ABŞ-nyň Prezident Jo Baýden bilen ilkinji gezek telefon arkaly söhbetdeşlik geçirdi.
RIA Nowosti: Russiýanyň Döwlet baştutany Wladimir Putin, Täze strategik ýaraglaryň azaldylmagy ylalaşygynyň möhlediniň uzadylmagy bilen bagly karary rus parlamendiniň aşakgy ganady bolan Dumanyň garamagyna hödürledi.
TASS: Russiýa, geçen ýyl pandemiýa sebäpli bes edilen Wýtenam, Hindistan, Finlýandiýa we Katar ýaly ýurtlara uçar saparlaryny ýaňadandan amala aşyrmaga başlady.
