Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
Saud Arabystanynda iňlis dilinde çap edilýän “Alşarg Alawsat” gazeti, Bütindünýä Saglygy goraýyş guramasynyň “Koronawirusynyň ýaýramagynyň öňü alnyp bilner”diýen beýanatyna ýer berýär.
Katarda çap edilýän “Al Raýa Al Katariýa” gazeti, Prezident R. T. Erdoganyň, türk esgerleriniň şehit bolmagyna sebäp bolan hüjümlere berk gaýtawul berjekdikleri hakynda Siriýanyň hökümetine berk duýduryş berendigini belleýär.
Birleşen Arap Emirliklerinde çap edilýän “Beýan” gazeti, ABŞ-nyň Prezidenti Tramp “Ykdysady geljegimiz parlak we Hytaý bilen edýän gatnaşyklarymyz öz miwesini bermäge başlady” diýen sözlerini okyjylarynyň dykgatyna ýetirýär.
Belgiýada çap edilýän “Le Soir” gazeti, Belgiýada 1 adamda koronawirusyna gabat gelinendigini ýazýar.
“Frans 24” Fransiýanyň paýtagty Parižiň demirgazyk günbatarynda azyndan 400 bosgunyň bolýan düşelgesiniň boşadylandygyny belleýär.
“Doçe Welle” ÝB-niň rak keseline garşy göreş yglan edendigini habar berýär.
“Suddeutsche saýtung” 70-nji Berlinalynyň emin agzalarynyň belli bolandygyny mälim edýär.
Rus “TASS” habarlar gullugy, Ýaponiýada saklanan ýolagçy gämisinde koronawirusyna ýoluganlaryň arasynda 2 rus raýatynyň bardygyna ünsi çekýär.
“RIA Nowosti” habarlar gullugy, Russiýanyň Hytaýdaky ilçihanasynyň ruslaryň Hubei welaýatyndan dolulygyna çykarlandygyny mälim edendigini belleýär.
