Daşary ýurt metbugatyna syn
Gün tertibiniň ileri tutulýan ugurlary hakyndaky habarlar daşary ýurt köpçülikleýin habar beriş serişdelerinde uly seslenme döredýär
“Tagesschau.de” Germaniýanyň Idlibdäki hüjümlerden gaçan asuda ilat üçin Türkiýä 25 million ýewrolyk kömek berjekdigini habar berýär.
“Doçe Welle” Germaniýanyň Federal Kansleri Angela Merkeliň fewral aýynyň 5-8-i aralygynda Günorta Afrika Respublikasyna sapar gurajakdygyny mälim edýär.
“Alžazerra.net.” Müsürli oppozisioneriň ABŞ-nyň parahatçylyk meýilnamasyna garşy Stambulda sergi açandygyny ýazýar.
“Alguds Alarabi” Ysraýylyň Likud partiýasynyň “Asyryň şertnamasynyň” Kneset saýlawlaryndan öň tassyklanmagy meselesini barlaýandygyny belleýar.
“Alşarg Alawsat” gazeti, Hytaýyň Saud Arabystanyndaky Adatdan daşary we Doly ygtyýarly ilçisiniň “Korona wirusy bejerlip bilner” diýen sözlerine ýer berýär.
“Le Parisien” gazeti, Fransiýanyň Prezidenti Emmanuel Makronyň Polşa bilen ýurdunyň arasyndaky gatnaşyklaryň pugtalanmagy üçin tagalla edýändigine ünsi çekýär.
“Le Figaro” gazeti, dynç almak üçin Kanada gelen 500-e golaý syýahatçynyň ýeriň süýşmegi sebäpli liža merkezinde kömege garaşýandygyny belleýär.
Ispaniýada çap edilýän “La Wanguardia” gazeti, koronawirusy sebäpli dünýäniň ykdysadyýetine uly howpyň abanýandygyny ýazýar.
Argentinada çap edilýän “Infobaee” gazeti, Perunyň paýtagty Limada tebigy gaz ýüklenen tankeriň ýarylmagy sebäpli 22 adamyň ýogalandygyny nygtaýar.
“Kommersant” gazeti, Russiýanyň benziniň nyrhynyň arzanlygy taýdan Ýewropada 2-nji orny eýeleýändigini belleýär.
“Lenta. ru” ruslaryň esasy böleginiň döwlet Ýolbaşçy Wladimir Putiniň konstitutsiýa üýtgetme girizilmegi baradaky teklibine goldaw berýändigini habar berýär.
