Daşary Ýurt Habar Beriş Serişdelerine Syn
Daşary ýurt köpçülikleýin habar beriş serişdelerinde beýan tapan Türkiýe bilen baglanşykly habarlary dykgatyňyza ýetirýäris
ABŞ “Turkish Amerijan” internet saýty: Prezident R.T.Erdogan golaýda “Ýefrat Galkany” operasiýasy bilen ilkinji ädimi ädilen günorta serhedini terrordan saplaýyş operasiýasynyň Afrin bilen dowam etjekdigini aýtdy.
Germaniýanyň “DW” internet saýty: Prezidentiň Metbugat Geňeşçisi İbrahim Kalyn ABŞ-nyň ekstremist terror guramasy PKK-nyň Siriýadaky bölegi PÝD/ÝPG-ä berýän goldawynyň aladalandyryjydygyny aýtdy.
Russiýanyň “Sputnik” internet saýty: Türkiýe ABŞ-nyň ekstremist terror guramasy PÝD/PKK-dan harby goşun döretmek ugrundaky tagallasyny ýazgaryp, özüne abanýan ähli howpy ortadan aýyrmakda ygrarlydygyny nygtady.
Krymyň “QHA” habarlar gullugy: “Afrikanyň esasy tekstil desgasy Türk-Alžir şärikligine açyldy”.
ABŞ-nyň Halkara “JNN” habar ýaýlymy: “Türkiýedäki işsizlik mukdary 2017-nji ýylyň oktýabrynda geçen ýylyň degişli döwrüne görä 1,5 bal aşaklap, 10,3 göterime deň boldy.”
Germaniýanyň “DPA” habarlar gullugy: “Türkiýe Gara we Mermer denizlerini birleşdirjek täze bir kanalyn gurluşygyna şu ýyl başlamakçy.”
Eýranyň “İSNA” habarlar gullugy: “Türkiýäniň Mejlisiniň Başlygy İsmail Kahraman Yslam Hyzmatdaşlyk Guramasynyň Parlamentler boýunça 13-nji maslahatyna gatnaşmak üçin Eýranyň paýtagty Tährana gitdi.”
“Russiýanyň Sesi Radiosy”: “Premýer ministr Binali Ýyldyrym Yragyň Premýer ministri Haýdar Al Abadi bilen geçiren telefon arkaly söhbetdeşliginde Yrak bilen özara gatnaşyklar hem-de sebitleýin meseleler boýunça pikir alyşdy.”
ABŞ “Turkish Amerijan” internet saýty: “Daşary işler ministri Mewlüt Çawuşogly ABŞ tarapyny kesegitlemeli, hyzmatdaşlarymy ýa-da terror guramasyny saýlap alýarmy? Biziň çemeleşmämiz hem şoňa görä bolar.”
Germaniýanyň “DW” internet saýty: “Baş Ştabyň başlygy general Hulusi Akar NATO-nyň terörizme garşy göreşde terror guramalarynyň arasyna tapawut goýmaly däldigini” atýdy.
Franiýanyň “AFP” habarlar gullugy: “Prezident R.T.Erdogan 5-nji fewralda Papa Frankisiň çakylygyna laýyklykda Watikana sapar gurar.”
ABŞ-nyň “AP” habarlar gullugy: “Prezident R.T.Erdogan NATO-ny hyzmatdaşy ABŞ-nyň Siriýada 30 müň adamlyk serhet güýjüni döretmegine garşy pozisiýa eýelemäge çagyrdy”
Britaniýanyň “Roýter” habarlar gullugy: “Prezident R.T.Erdogan NATO-ny hyzmatdaşy ABŞ-nyň Siriýanyň demirgazygynda terror öýjügine öwrülen Afrina guraljak operasiýany siriýaly oppozisionerler bilen bilelikde amala aşyrjakdyklaryny aýtdy.”