Türk metbugatynyň gysgaça mazmuny 07.01.2015
Dünýäniň we ýurduň gün tertibiniň ileri tutuluýan ugurlary bilen bagly habarlar gündelik gazetlerde giň beýan tapýar
“Star” gazeti “Ýewropanyň Adam hukuklary kazyýetinde Gresiýanyň işine ýaňadan serediler” söz başyly habarynda, Ýewropanyň Adam hukuklary kazyýetiniň Günbatar Frakiýadaky türk azlygynyň jemgyýetçilik guramalary baradaky kararlaryny ýerine ýetirmeýändigi sebäpli Gresiýanyň işine ýaňadandan garaljakdygy mälim edilýär. Kazyýet bu barasynda 2014-nji ýylyň 18-nji dekabrynda Gresiýa ýazan resminamasynda İskeçe Türk Bileleşigi, Rodop şäheriniň türk zenanlarynyň medeniýet jemgyýeti we Merisa şäheriniň Azlyklaryň ýaşlar jemgyýeti atly jemgyýetçilik guramalarynyň ýaňadandan açylmagy barasynda Ýewropa Geňeşiniň Ministrler toparynyň kararyna laýyklykda berilen duýduryşlara üns berilmändigini nygtaýar.
“Akşam” gazeti “Burawlaýyş gämisi ýola düşdi” söz başyly habarynda, “Türkiýe Nebitleri Anonim Şirketi” kompaniýasynyň halkara firmalary bilen hyzmatdaşlykda Ortaýer we Gara deňizlerindäki burawlaýyş işleriniň depginini güýçlendirendigini okyjy köpçüliginiň dykgatyna ýetirýär. Gazet şol çäkde günbatar Gara deňizde burawlaýyş işlerini alyp barjak Noble Globetrotter atly gäminiň Stambulda ugrandygyny, Bosfor bogazyndan geçip Gara deňize tarap giden gämini energetika we tebigy serişdeler ministri Taner Ýyldyzyň ugradandygyny ýazýar.
“Haber Türk” gazeti “İlkinji gezek satyldy: kilogramy 1250 dollar” söz başyly habarynda, Türkiýäniň Gündogar Garadeňiz sebitinde Rize, Trabzon we Artwin welaýatlaryndaky çaý ekerançylygynda geçen ýyl ilkinji gezek ak çaýyň öndürilmäge başlanandygyny mälim edýär. Gazet şonuň netijesinde 645 kilogram ak çaýyň öndürilendigini, onuň daşary ýurt firmalaryndan biri tarapyndan kilogramy 1100 dollardan satyn alynandygyny, galan mukdarynyň bolsa kilogramy 1250 dollardan satylandygyny nygtaýar.
“Hürriýet” gazeti “22 ýyllyk arzuw iş ýüzüne geçýär” söz başyly habarynda, İzmir welaýatynyň Selçuk etrabynyň häkimi Zeýnel Bakyjynyň “8500 ýyllyk taryha eýe bolan gadymy şäheriň iýun aýynda Dünýäniň medeni miras sanawyna alynmagyna garaşýarys” diýen sözlerini ýerleşdirýär. Habarda sanawa degişli bolmak 1994-nji ýylda edilen ýüz tutmanyň kabul edilmändigi ýatladylýar.
“Milliýet” gazetiniň medeniýet we sungat sahypasynda Tim Burtonyň sabyrsyzlyk bilen garaşylan soňky kino-filmi “Big Eýesiň” Türkiýedäki premýerasynyň Stambulda geçirilýändigini ýazýar.
