"Törkiyäne maqsatlarınnan waz kiçterergä teläwçelär moña ireşä almayaçaq"
Bu xaqta Törkiyä ilbaşı Azärbaycan ilbaşı İlham Aliyev belän ütkärgän urtaq matbuğat oçraşuında belderde
Törkiyä ilbaşı Räcäp Tayyip Ärdoğan Törkiyäne maqsatlarınnan ,däğwalarınnan waz kiçterergä teläwçelärneñ moña ireşä almayaçaqların belderde.
Yäkşämbe könne Änkarada barlıqqa kilgän xain höcümne tağın ber tapqır läğnätläwçe Ärdoğan “Terrornı qoral itep qullanuçılar,gönahsız keşelärneñ qanı aşa isäpläşergä teläwçelär Törkiyägä tez çükterä almayaçaqlar ,kiresençä üzläre tez çügäçäklär”dide.
Ärdoğan räsmi säfär belän Törkiyägä kilgän Azärbaycan ilbaşı İlham Aliyev belän üzara küreşep söyläşkännän soñ urtaq matbuğat oçraşuı ütkärde.
İlbaşı Azärbaycannıñ Änkaradağı terror höcümennän soñğı teläktäşlege belän qara kön dustı buluın kürsätüen belderde.
Ärdoğan:”Bez dä Qarabax mäs'äläse berence çiratta bulu belän bergä här tarmaqta Azärbaycannıñ yanında bulunı däwam itteräçäkbez”,-dide.
Ärdoğan Aliyev belän säwdä,diplomatiya,xoquq,transport,strategiya başçaları astında 6 kileşügä qul quyuların belderde.
Azärbaycan belän urtaq Trans Anadolu tabiği gaz ütkärgeçe proyektı TANAP eşçänlekläreneñ planlaştırılğan räweştä däwam itüen belderüçe Ädoğan Baqı-Tbilisi-Kars timer yulı proyektı açılışınıñ isä dekabr ayında tormışqa aşacağın citkerde.
Azärbaycan ilbaşı İlham Aliyev isä başqaladağı terror höcüme uñayınnan Törkiyä xalqınıñ qayğısın urtaqlaştı häm bu ilgä yünälgän terror höcümnäreneñ näticägä ireşä almayacağın belderde.
“İñ möhime-xalıqlarıbıznıñ bergälege häm tuğanlığı”dip äytüçe Aliyev Törkiyäneñ dönya külämendä köç märkäze buluın Törkiyägä kürsätelgän xörmätneñ üzlären söyenderüen citkerde.
