"İzrailneñ Fälästingä höcümnärenä qarşı törki dön’yanıñ urtaq totış kürsätüe kiräk"

 Törkiyä tışqı êşlär ministrı Xaqan Fidan İzrailneñ Fälästingä höcümnärenä qarşı törki dön’yanıñ urtaq totış kürsätüe kiräklegen belderde.

Ul bu xaqta Änkarada Törki däwlätlär parlamentariylar assamblyeasınıñ saqlanu komissiyäse räisläreneñ açılış utırışında yasağan çığışında citkerde.

Xaqan Fidan Fälästingä yaqlaw kürsätügä basım yasadı, Ğazzädä kübese xatın-qızar häm balalar bulu belän bergä distälägän meñ keşeneñ ülemenä kitergän İzrail räximsezlegen tuqtatu öçen ike däwlätle çişeleşne tormışqa aşıru kiräklegen söyläde.

“Bu şartlarda törki dön’yanıñ urtaq totış kürsätüe, xalıqara cämäğat’çelek belän bergä buluı törki dön’yanıñ äxlaqıy köç bularaq ta alğı planğa çığuına mömkinlek biräçäk. Min törki dön’yadağı barlıq qardäşlärebezne Ğazzädäge yawızlıqqa qarşı tawış-tınsız qalmasqa häm bu zolım-räximsezlekne beterü öçen konkret yadımnar yasarğa çaqıram”,- dide Törkiyä  tışqı êşlär ministrı Xaqan Fidan üz çığışında.