TRT TV

Posted 02.11.2011 08:01:47 UTC
Updated 02.11.2011 08:01:47 UTC

Televideniye

Küp sanda milli häm regional televizion kanalı bulğan efir moxitında Törkiyägä häm dönyağa “döres häm tarafsız” xäbär birüçe TRT mäğarif, mädäniyät, dokumental film, drama, sport, muzıka häm küñel açu tapşıruları belän Anadolunıñ 99%ına häm çikneñ aryağına ireşep, här yäştäge tamaşaçığa qarağan tapşıruları belän xezmät birä.

TRT tapşıruları törle yäştäge, hönärdäge, belem häm mädäniyät däräcäsendäge tamaşaçığa tarafsız, añlaşılırlıq häm şul uq mizgeldä operativ räweştä xäbär citkerüne, mäğarif häm mädäniyät yağınnan qamilläşülärenä öleş kertüne, küñel açqan çaqta öyrätüne häm iñ kiñ taralğan räweşe belän millî mädäniyät bötenläşüen buldırunı maqsat itä.

 

TRT-1 Ğailä kanalı. Törkiyäneñ iñ küp qaralğan televizion kanalı TRT-1 ğailä kanalı formatında, mäğarif, mädäniyät, drama, muzıka, küñel açu, sport häm xäbär tapşıruları belän böten Törkiyägä yünälgän. TRT-1 99,9% çolğaw mäydanı belän Törkiyäneñ här urınında häm internet belän iyärçen aşa böten dönyada.  Yuldaşığız 42 yıl inde sezneñ belän bergä.

 

TRT-XÄBÄRKönüzäk xäbär, säyäsät, analiz, bäxäs, sport, dokumental film, mädäniyät häm sänğätneñ yaña sulışı “TRT Xäbär” - TRT täcribäse belän ekrannarığızda. Döres häm tarafsız bulunı nigez itep alğan “TRT xäbär” tormışnıñ böten töslären ekrannarığızğa citkerä. Sez dä döres xäbär alu xoquqığıznı qullanığız. Xäbärneñ ekranı “TRT xäbär” här cirdä …

 

TRT-3 – Törkiyä Böyek Millät Mäclese (Törkiyä parlamentı) televideniyäse belän efir waqıtın büleşep tapşıruların alıp bara. TRT-3 tapşıruları ğädättä sport programmalarınnan tora. 2010nçı yılnıñ 9nçı avgust könennän birle TRT sport logotipı belän sport kanalı bularaq eşçänlegen däwam itä.

 

TRT-GAP – “TRT-GAP”ta Könçığış häm Könyaq-könçığış Anadolu töbägendä yäşäwçe keşelärneñ teläk-taläpläre häm ixtıyacları nigezendä töbäktäge iqtisad häm belem däräcäsen kütärügä qarağan muzıkal, mäğarif, mädäniyät, küñel açu häm sport tapşıruları belän dokumental filmnar täqdim itä. “TRT-GAP” – töbäk xalqınıñ urtaq tawışı.

 

TRT-4 – “TRT bala”kanalı belän “TRT mäktäp” kanalı çiratlaşıp tapşırular alıp barğan kanal.

 

TRTAnadolu kanalı - "Ber ekran yöz ekran, yöz ekran ber ekran" şiğare belän 2010nçı yılnıñ üktäbr ayında räsmi räweştä eşli başlağan “TRT Anadolu” kanalınıñ efir programmasınıñ ber öleşen TRT arxivındağı tapşırular, başqa TRT kanalları belän bergä ütkärelgän turıdan-turı tapşırular täşkil itä. Şul uq waqıtta cirle häm regional televideniyälär äzerlägän video tasma räweşendäge häm turıdan-turı tapşırularda üz vilayätlärendä häm töbäklärendä yäşätelgän qimmätläre, ğoref-ğädätläre häm mädäniyätläre añlatıla.

 

TRT-6- TRT xalıqara kördçä tapşırular alıp baruçı kanalı belän Törkiyäneñ xalıqara häm bigräk tä töbäk illäre belän bulğan mönäsäbätlärenä uñay öleş kertä. İlebezneñ berdämlegen häm bötenlegen maqsat itep alğan, zamança normalarda här yäştäge tamaşaçığa möräcäğät itüçe kördçä ğailä kanalı TRT-6 2009nçı yılnıñ ğinwar ayında eşli başladı.

 

TRT-Bala – Xäzerge zaman balalarınıñ multfilmnardan muzıkağa, xäbärdän sportqa böten ixtıyaclarına cawap birüçekanal fizik, zihen, ruxi häm äxlaqi yaqtan sawlıqlı buınnar üsterügä öleş kertüne maqsat itä. Dönyaküläm pedagogik normalarda sıyfatlı, zamandaş häm cawaplı efir añlayışı belän balalarnıñ qamilläşüendä yärdäm itüne häm yul kürsätüne nigez itep alğan “TRT bala” törek teleneñ häm mädäniyäteneñ döres räweştä tanıtıluın, balalarnıñ uynap, küñel açıp öyränüen häm añ-fikerle buluın maqsat itä.

http://www.trtcocuk.com

 

TRT-TÜRKDönyağa östenlekle bularaq törekçä tapşırular alıp baruçı kanal – Törkiyä belän törek keşesen tanıtuçı programmaları belän, xäbär, mädäniyät häm sänğät tapşıruları belän çit illärdä yäşäwçe watandaşlarıbız häm qawemdäşlärebezneñ Törkiyä häm törek mädäniyäte belän özelmäwçe bağlanışı, awırlıqlarnı xäl itüdä yärdäm itüçe, qayğılarnıñ häm şatlıqlarnıñ urtağı. Dönyanıñ qaysı cirendä genä bulsağız da.

 

TRT-AVAZ – 2009nçı yılnıñ mart ayında eşli başlağan häm Üzbäkstan, Qazaqstan, Qırğızstan, Törekmänstan, Azärbaycan, Bosniya-Hersegovina, Albaniya, Törkiyä belän ber rättän 8 ildän häm bu illärneñ 8 telendä Yıraq Könçığıştan Balkanğa qädär cäyelgän geografiyada yäşäwçe törki dönyağa qarawçı tapşırular alıp baruçı kanal Törkiyä belän başqa törki cömhüriyätlär arasında tel häm töşençä berlegen tözi. Şaqtıy törki şiwädä “tawış” mäğnäsenä turı kilüçe “AVAZ” – törki cömhüriyätlärneñ urtaq awazı bularaq Yaqın Könçığıştan Qavqazğa qädär 27 il häm 13 üzidaräle cömhüriyättä yaqınça 250 million xalıq sanı bulğan geografiyağa möräcäğät itä.

 

TRT-BELGESEL (dokumental film) – Törkiyäne inglizçä, almança (nemetsça), frantsuzça, urısça häm törekçä belän biş ayırım teldä dönyağa tanıtuçı TRT dokumental film kanalı tarix, cämğiyät, tabiğät, ekologiya, sport, mädäniyät-sänğät, belem, texnologiya ölkäsendä dokumental filmnar kürsätä. Uzğanlıqnı kiläçäkkä citkerüçe häm tabiğätneñ ezennän baruçı kanal 2009nçı yılnıñ 17nçe üktäbr könne eşli başladı.

 

TRT-MUZIKA Törkiyäneñ häm dönyanıñ köylären, muzıkasın oçraştırğan kanalda bäyge tapşıruları, muzıka turında dokumental filmnar, kontserlar, buınnar programması, Top 10nar häm turıdan-turı tapşırular täqdim itelä. 2009nçı yılnıñ 16nçı noyabr könne eşli başlağan kanal törek xalıq häm sänğät köyläre östenlekle buluı belän bergä cirle häm çit il muzıka tapşıruları belän Törkiyä häm dönya muzıkasın TRT ayırması belän ekran aşa citkerä.

 

TRT- ETTÜRKİYYE Törkiyäneñ xalıqara häm bigräk tä töbäk illäre belän bulğan mönäsäbätlärenä uñay öleş kertüne maqsat itep alğan “TRT-Ättürkiyye” Törkiyä häm ğäräp dönyasınıñ urtaq tele, urtaq ekranı bulu maqsatı belän här yäştäge tamaşaçığa möräcäğät itüçe balalar, yäşlär, xatın-qızlar, sälamätlek saqlaw, iqtisad, drama, dokumental film, sport, muzıka, xäbär, mädäniyät-sänğät, din-äxlaq häm küñel açu tapşırularınnan torğan bay eçtälege belän 2010nçı yılnıñ aprel aynda eşli başladı. Ğäräpçä söyläwçe, 22 ğäräp ile häm ğäräpçä söyläşüçelärgä qarağan tapşırular alıp baruçı kanal 350 million xalıq sanına iyä ğäräp illäre belän Törkiyä arasında bağlanışlarnı köçäytüne maqsat itä.

 

TRT HD  Video sürät sıyfatında ireşelgän iñ yuğarı noqta bulğan HD translyatsiyäsen yasawçı TRT HD kanalı kübesençä sport tapşıruların häm dokumental filmnar belän kinofilmnar täqdim itä. 2010nçı yılnıñ iyün ayında eşli başlağan TRT HD 2010nçı yılğı Dönya kuboğı matçlarınnan soñ cäyge häm qışqı olimpiadaların tapşıraçaq.

 

TRT SPORT  2010nçı yılnıñ avgust ayında eşli başlağan “TRT sport” milli häm xalıqara böten sport çaraların turıdan-turı yäki tasmadan ekrannar aşa citkergän çaqta sportnıñ här tarmağına ayırım ähämiyät birä.

 

http://www.trt.net.tr/TV/TvAna.aspx