ولسمشر اردوغان په افریقا کې خپل سفر په نیمايي کې پرې او هیواد ته راستون شو
د ترکیې ولسمشر رجب طیب اردوغان د اوکراین د وروستیو پرمختګونو له امله په افریقا کې خپل سفر په نیمايي کې پرې او هیواد ته راستون شو
د ترکیې ولسمشر رجب طیب اردوغان چې افریقا کې خپل سفر په نیمايي کې د پرې کولو پریکړه کړې وه هیواد ته راستون شو.
ولسمشر اردوغان درې افریقايي هیوادونو ته د سفر په ترڅ کې خپل دویم تم ځای سینیګال ته رسیدلی وو چې د اوکراین د وروستیو پرمختګونو له امله يي خپل سفر په نیمايي پرې او هیواد ته راستون شو.
ولسمشر اردوغان په سینیګال کې د لیدونو کتنو نه وروسته ددې هیواد د ولسمشر ماکي سال سره په ګډه د سینیګال د فوټبال لوبغالي د پرانیستو په مراسمو کې ګډون وکړ. وروسته د سینیګال د ولسمشر لخوا د هغه په ویاړ په جوړه شوې میلمستیا کې ګډون وکړ.
ولسمشر اردوغان ګینه بیسایو ته خپل سفر راتلوونکې تاریخ ته د ځنډولو پریکړه وکړه او هیواد ته راستون شو.
ولسمشرۍ ماڼۍ د عامه اړیکو ریاست ویلي دي چې ولسمشر اردوغان هیواد ته راستون شو او نن به د اوکراین په اړه جوړیدونکې د ناټو سازمان د مشرانو په انلاین سرمشریزه کې ګډون وکړي.
د ناټو سازمان د مشرانو د مشریزې اجنډا د روسېې لخوا د اوکراین په ختيځ کې د دونتسک او لوهانسک خپلواکو سیمې خپلواکي په رسمیت پیژندل او اوکراین ته مخامخ ګواښونه دي.
