ولسمشر اردوغان : بیت المقدس زمونږ سره کرښه ده

ولسمشر اردوغان  د فلسطین او اسراییلو د تش په نامه د سولې په اړه  د امریکا د ولسمشر لخوا جوړ شوي پلان نه  د فلسطین د اشغال  د پروژې په توګه  یادونه وکړه.

ولسمشر اردوغان  د انادولو د رسنیو د ټولنې  لخوا جوړ شوي  د انادولو  د مډیا د جایزو په مراسمو کې  ګډون وکړ.

ولسمشر اردوغان  دلته په خپله وینا کې  د ټرمپ  په اصطلاح  د سولې  د پلان په اړه  وویل " ددې پلان  نه  د پيړۍ  د تفاهم  او تړون په توګه یادونه کوي، د څه شي تفاهم  ، دا د اشغال  پروژه ده."

ولسمشر اردوغان  ددې خبرې په ټینګار وویل چې هیڅوک  د فلسطین  برخلیک  ټاکلی  او بدلولی نشي. بیت المقدس  پلورونکی  ندی.

هغه وویل " بیت المقدس  زمونږ  سره  کرښه ده. زه پوره باور لرم چې  په زرګونو او لسګونو زره  تنه  زمونږ فلسطیني ورونه  به د خپلو وینو په بیه  پدې اړه خپلې مبارزې ته دوام ورکړي. مونږ هم  دې مبارزې ته  چمتو یو."

ولسمشر اردوغان  د هیواد نه بهر د ترکیې پر خلاف  روانو  خصمانه تبلیغاتو نه  یادونه وکړه  او وویل چې  په نړۍ کې  په واقعي  توګه د ترکیې  د اهدافو او څیرې د معرفي کولو په خاطر  د مدني  ټولنو نه  د مرستې او ملاتړ غوښته کوو.

هغه وویل  چې " نن ورځ  په نړۍ کې  د ترکیې  او ترک ملت د بدنامۍ  په خاطر  کار کوونکې یوه ډیره  ستره  شبکه  او میکانیزم  فعالیت کوي. ددوې ترمنځه  ارمني لوبي، یوناني  لوبي، د پ ک ک ، داعش  او فتو ترهګري سازمانونه  ځای لري. پدې ډول  یو زیات شمیر  د ترکیې  دښمنان سره راټول شوي دي. زه د ټولو  نه  هیله کوم چې  د هیواد نه بهر  ژورنالستان ژورنالستانو ته ، سوداګر سوداګرو ته ، پانګه وال پانګه والو ته ، کارپوهان  کارپونو ته  ، زده کوونکي زده کوونکو ته  او په لنده توګه  د هیواد هر وګړی  خپل مخاطب ته  د ترکیې  اصلي  څیره  بیان کړي . پوره باور لرم چې په لنډه موده کې به حقیقت د هر چا غوږ ته ورسیږي  او ددې منفي تبلیغاتو مخه به ونیول شي."

ولسمشر اردوغان وویل چې ترکیه د ۲۰۲۳ کال کې  هدفونو ته د رسیدو په خاطر  شپه او ورځ  کار کوي. هغه وویل چې زمونږ  یواځنی  مخاطب او حساب ورکولو  مرجع  ملت دی. مونږ  د  چا  څه ویلو ته نه  ملت  څه وايي  ته غوږ نیسو. زمونږ استقامت  ملت تعینوي او کوم استقامت چې ملت  تعین کړي په هغه  روانیږو.