ولسمشر اردوغان : د ترکيې قضايي ارګانونه خپلواکه دي.

د ترکيې ولسمشر رجب طيب اردوغان د امريکايي راهب د خوشې کيدو په اړه وويل چې د ترکيې قضايي ارګانونه تا خپلواکه وو او دا پريکړه يي هم په خپلواکه ارادې کړې ده. 

ولسمشر اردوغان دامريکا د ولسمشر دونالد ټرمپ څرګندونو ته د ټولنيزې مډيا له لارې ځواب ووايه. 

ولسمشر اردوغان ټرمپ ته په خطاب کې داسي ويلي دي!

ښاغلی ولسمشره ، لکه څرنګه چې مو تل ويلي دي د ترکيې قضايي ارګانونه تل خپلواکه دي او د راهب برنسون په اړه يي هم بې طرفه او خپلواکه کړې ده. ددې په هيله چې د ترکيې او امريکا متحده ايالتونو ترمنځه اړيکي د دوو مهمو متفقو هيوادونو په څير همکاري دوام وکړي. 

د داعش، پ ک ک او فتو په ګډون د ټولو ترهګريزو سازمانونو پر خلاف ګډې مبارزې ته دوام ورکړي. 

د امريکا ولسمشر دونالد ټرمپ د امريکايي راهب برنسون د خوشې کيدو په اړه د ټولنيزې مډيا له لارې څرګندونې وکړې.

هغه ويلي دي چې يو ځل بيا د راهب برنسون سره ليدل يو فوق العاده احساس دی. د ولسمشر اردوغان نه د مرستو له امله مننه کوم. 

د يادولو وړ ده چې امريکايي راهب برنسون چې د پ ک ک او فتو ترهګريزو سازمانونو سره د مرستې او جاسوسۍ په تور نيول شوی وو د بند او په خپل کور کې د نظر بندې نه وروسته پرون د څلورم ځل لپاره محکمې ته خاضر کړې شو چې د محکمې لخوا په ۳ کاله او يو مياشت بند محکوم کړی شو. محکمې په بند او نظر بند لاندې د برنسون د وخت د تيرولو په نظر کې نيولو سره د هغه د خوشې کولو پريکړه وکړه.