د ۱۹۱۵ کلونو د پیښو اړوند د ټرامپ د څرګندونو په اړه د ترکیې سخت غبرګون

ترکیې  د امریکا متحده ایالتونو په حکومت  د ارمني سیاسي فعالینونو د کینو او نفرت نه په ډکو  ویناګانو  او یو پلوه قضاوت  د باور نه کولو  غږ وکړ.

د امریکا متحده ایالتونو ولسمشر  د هر کال په څیر  سږ کال یو ځل بیا  د ۱۹۱۵ کلونو د پيښو  د ۱۰۲ کلیزې  له امله څرګندونې وکړې. د امریکا ولسمشر دونالد ټرامپ  د ۱۹۱۵ کلونو د پيښو نه  د ستر فلاکت په توګه یادونه وکړه.

د ترکیې د بهرنیو چارو وزارت  پدې اړه سخت غبرګون وښود او امریکا حکومت ته يی ځواب ووایه.

د ترکیې د بهرنیو چارو وزارت  د ټرامپ د څرګندونو په غبرګون کې په خپره کړې خبرپاڼه کې ویلي دي « د ۱۹۱۵ کلونو د پیښو په اړه  د ولسمشر ټرامپ  څرګندونې  هغوې ته  د ورکړل شوو ناسمو او غلطو معلوماتو  او ارمني سیاسینو د یو پلوه قضاوت  او معلوماتو د ککړتیا نه سرچینه اخلي. »

په خبرپاڼه کې  د امریکا د نوې ادارې نه  د شدت ، تاوتریخوالي  نفرت او کینې  نه د ډکو ویناګانو ، یو پلوه  قضاوت  ، تاریخي حقایقو  پټولو او پر ځای  ناسمو معلوماتو باندې  د اعتبار نه کولو  غوښتنه شوې ده . همداشان د امریکا په ادارې غږ شوی دی چې  پدې  برخه کې باید  د ټولو خواوو  غم او درد  په نظر کې د نیولو سره  غبرګون وښايي او چلند وکړي.

په خبرپاڼه کې راغلي دي چې  د لومړۍ نړۍوالې جګړې پر مهال وژل شوو  عثماني ارمنیانو په خاطر  سږ کال  په استانبول کې د ارمنیانو په کلیسا کې  د هغوې په درناوي  ځانګړي مراسم  جوړ شول.

سربیره  پردې  د ترکیې ولسمشر رجب طیب اردوغان  د عثماني ارمنیانو په خاطر  د تسلیت پیغام هم خپور کړی دی .

ولسمشر اردوغان په خپور کړي پیغام کې ویلي دي «  د ارمنیانو امنیت، خوښي او حضور  زمونږ لپاره ځانګړی اهیمت او ارزښت لري. ترکیه د  خپل  یو تن ارمني وګړي   سره  د بد چلند، د ټولنې نه د شړولو  او ورسره  د دویم  صنف  د معاملې او چلند کولو زغم  او تحمل  نلري.»

د بله پلوه  ترکیې د بهرنیو چارو وزارت تیره ورځ  د ارمنستان په پلازمینه  اریوان کې  د ۱۹۱۵ کلونو د پیښو د کلیزې په خاطر په جوړو شوو مراسمو کې  د ترکیې د بیرغ د سوځولو اړوند  د خپرو شوو خبرونو په اړه  سخت غبرګون څرګند کړی دی .

د ترکیې د بهرنیو چارو وزارت  د ترکیې په بیرغ  ترسره شوی  خایین او منفور  برید  په کلکو ټکو غندلی  او لعنت يي پرې ویلی دی.