د استانبول په هوايي ډګر کې په بریدونو کې د مړو شمیره لوړه شوه

د ترکیې  د اتاترک  په هوايي  ډګر  کې  د ځانمرګیو بریدونو له امله  د مړو شمیره  لوړه شوه.

د ترکیې  د عدلیې  وزیر  پدې پیښه کې  د مرګ ژوبلې  د شمیرې په اړه خبریالانو ته معلومات ورکړل.

د عدلیې وزیر باقر بوزداغ وویل  چې  پدې  خونړیو  بریدونو کې  لږ تر لږه  ۳۱ تنو ژوند د لاسه ورکړی  او ۱۴۷ تنه نور ټپیان شوي‌ دي.

هغه وویل چې  د ټپیانو نه  د ۶ تنو روغتیايي  حالت  باریکه دی. ټپیان  د استانبول په مختلفو روغتونونو کې  د درملنې  لاندې  قرار لري.

د ویلو  ده چې  نن  د ماسخوتن په ساعتونو کې  ۳ تنو ځانمرګیو برید کوونکو  د استانبول د اتاترک په هوایي‌ ډګر کې  د بهرنیو الوتنو د ترمینل  او موټر په تم کې  چاودنې  وکړې. د چاودنه  نه  دوه  د ترمینل  او یو د موټرو په تم ځای کې  ترسره شوي‌ دي.

دا برید په استانبول کې  پدې وروستیو کې  ترسره شوی  تر ټولو  خونړی  برید دی.